Iu Savve Kasem Wisdom
“Evri toktok insaed long olketa Holy Raeting hem kam from God.” (2 Timothy 3:16) Lo verse hia, disfala toktok “kam from God” hem minim dat God Olmaeti hem putim toktok blo hem insaed mind blo olketa man wea raetem Bible.
God Invaetem Iu for Kasem Gud Samting From Wisdom blo Hem
“Mi nao [Jehovah], . . . Mi nao mi tisim yufala mekem yufala kamap gud. An mi lidim yufala long wei wea yufala mas falom. Sapos yufala bin obeim olketa strongfala toktok blong mi, bae yufala garem piis olsem wanfala riva wea hemi gohed fo ran gudfala. An bae yufala falom stretfala wei olowe, olsem wea wev hemi gohed fo brek olowe long sanbis o rif.”—AESAEA 48:17, 18.
Olketa toktok hia hem olsem God hem invaetem iu. Hem laekem iu for garem peace and for hapi olowe, and hem bae helpem iu for faendem datwan.
Iu Savve Kasem Wisdom From God
“Datfala waka for preachim gud nius mas gohed long evri kantri firstaem.”—MARK 13:10.
Part lo datfala “gud nius” hem olketa promis blo Jehovah for finisim wei for safa, mekem disfala earth kamap paradaes, and mekem olketa wea iumi lovem wea dae finis for laef bak. Olketa Jehovah’s Witness nao preachim disfala message wea kam from Bible evriwea lo world.