Wastaoa ONLINE LIBRARY
Wastaoa
ONLINE LIBRARY
Solomon Islands Pidgin
  • BIBLE
  • OLKETA PABLIKESON
  • OLKETA MEETING
  • rq leson 10 pp. 20-21
  • Olketa Fasin wea God Hate-im

Disfala sekson no garem eni video.

Sorre, disfala video no savve plei distaem.

  • Olketa Fasin wea God Hate-im
  • Wanem Nao God Mas Kasem From Iumi?
  • Olketa Nara Article
  • Olketa Fren Bilong God Stap Klia From Nogud Samting
    Iu Savve Kamap Fren Bilong God!
  • Hao, Gambling Hem Wanfala Sin?
    Ansa for Olketa Bible Kwestin
  • Kwestin From Reader
    Wastaoa wea Talemaot Kingdom Bilong Jehovah—2002
Wanem Nao God Mas Kasem From Iumi?
rq leson 10 pp. 20-21

Leson 10

Olketa Fasin wea God Hate-im

Hao nao iu mas ting long olketa samting wea God say hem no gud? (1)

Wanem kaen samting long saed bilong sex nao hem rong? (2)

Hao nao Kristian mas ting long fasin for liar? (3) gamble? (3)steal? (3) raf fasin? (4) spiritism? (5) fasin for drunk? (6)

Hao nao man savvy kamap free from olketa no gud fasin? (7)

1. Olketa servant bilong God love-im gudfala samting. But olketa mas learn for hate-im badfala samting tu. (Psalm 97:10) Datwan meanim olketa mas no duim fasin wea God hate-im. Wanem nao samfala fasin hia?

2. Fornication: Sex bifor marit, adultery, sex withim animal, sex withim famili member, and homosexual fasin they bigfala sin againstim God. (Leviticus 18:6; Romans 1:​26, 27; 1 Corinthians 6:​9, 10) Sapos man and woman stap tugeta but tufala no marit, tufala mas separate or marit long way wea fitim law.​—⁠Hebrews 13:⁠4.

3. Fasin for Liar, Gamble, Steal: Jehovah God kanduit liar. (Titus 1:⁠2) Pipol wea laekem God for acceptim olketa mas no liar. (Proverbs 6:​16-19; Colossians 3:​9, 10) Evri different kaen way for gamble hem kam from greedy fasin. So olketa Kristian no join insaed long enikaen way for gamble, olsem lottery, horse racing, and bingo. (Ephesians 5:​3-5) And olketa Kristian no steal. Olketa no baem samting wea olketa savvy samwan hem stealim or tekem samting wea olketa no askim firstaem.​—⁠Exodus 20:15; Ephesians 4:⁠28.

4. Fasin for Kros, Raf Fasin: Kros wea man no bossim savvy lead go long raf fasin. (Genesis 4:​5-8) Wanfala raf man kanduit fren withim God. (Psalm 11:5; Proverbs 22:​24, 25) Hem rong for pei back or duim no gud samting for change-im badfala samting wea narafala man maet duim long iumi.​—⁠Proverbs 24:29; Romans 12:​17-21.

5. Iusim Magic Samting and Spiritism: Samfala pipol askim paoa bilong olketa spirit for trae for healim olketa sik. Samfala iusim magic long enemy bilong olketa for mekem olketa sik or for killim olketa dae tu. Paoa wea bihaenem evri fasin hia hem Satan. So olketa Kristian mas no join insaed long eni samting hia. (Deuteronomy 18:​9-13) Way for stap klosap long Jehovah hem nambawan way for protectim iumi taem narafala man maet trae for iusim magic long iumi.​—⁠Proverbs 18:⁠10.

6. Fasin for Drunk: Hem no rong for drinkim lelebet wine, beer, or narafala alcohol drink. (Psalm 104:15; 1 Timothy 5:23) But fasin for drink tumas and kamap drunk hem no stret long eye bilong God. (1 Corinthians 5:​11-13; 1 Timothy 3:8) Fasin for drink tumas savvy spoelem health bilong iu and mekem famili brek daon. Hem savvy mekem iu fall daon kwiktaem tu long different kaen test.​—⁠Proverbs 23:​20, 21, 29-35.

7. Pipol wea duim olketa fasin wea God say hem no gud bae “no kasem kingdom bilong God.” (Galatians 5:​19-21) Sapos iu barava love-im God and laek for mekem hem hapi, iu savvy kamap free from olketa fasin hia. (1 John 5:⁠3) Learn for hate-im samting wea God say hem no gud. (Romans 12:⁠9) Kampani withim pipol wea followim fasin bilong God. (Proverbs 13:20) Olketa mature Kristian fren savvy barava helpem iu. (James 5:14) Moa important, depend long help bilong God thru long prea.​—⁠Philippians 4:​6, 7, 13.

[Olketa piksa long page 20, 21]

God hate-im fasin for drunk, steal, gamble, and raf fasin

    Solomon Islands Pidgin Pablikeson (1988-2024)
    Log Aot
    Log In
    • Solomon Islands Pidgin
    • Sharem
    • Settings
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Setting
    • JW.ORG
    • Log In
    Sharem