Kingdom Nius No. 35

Waswe, Enitaem Evri Pipol Bae Love-im Each Other?

Love For Neibor Hem Weak Daon

PLANTI million pipol no garem hope and barava no hapi, olketa no savvy wea for kasem help. Wanfala bisniswoman wea retire hem say: ‘Wan evening wanfala widow woman wea stap klosap long mi hem noknok long door bilong mi and say hem feel lonely. Long kaenfala way mi talem hem stret mi busy. Hem tok sorry for disturbim mi and go.’

Sorry tumas, long datfala naet, datfala widow woman killim dae hemseleva. Bihaen, datfala bisniswoman hem talem way wea hem learnim wanfala “important leson long hardfala way.”

Way for no showim aot love for neibor planti taem bringim sorry. Long taem wea olketa different tribe faet long Bosnia and Herzegovina, wea part bilong Yugoslavia bifor, olketa force-im winim wan million pipol for go aot from haos bilong olketa and tu they killim dae staka thousand. Hu nao duim diswan? “Olketa neibor bilong mifala,” wanfala girl wea feel sorry hem say, wea olketa force-im for go aot from vilij bilong hem. “Mifala savvy long olketa.”

Long Rwanda olketa busarem planti hundred thousand pipol, wea planti taem neibor bilong olketa nao duim. “Hutu and Tutsi [stap] tugeta, maritim each other, no worry or no savvy hu nao wanfala Hutu and hu nao wanfala Tutsi,” The New York Times hem raetem. “Then sek nomoa samting happen,” and “way for killim pipol dae hem start.”

Olsem tu, olketa Jew and Arab long Israel stap tugeta, but planti hate-im each other. Diskaen living hem semsem withim planti Catholic and Protestant long Ireland and staka moa sekson long otherfala kantri. No enitaem bifor long history way for no showim aot love hem big tumas olsem.

Why Nao Love for Neibor Hem Weak Daon?

Creator bilong iumi givim ansa. Word bilong Hem, Bible, kolem taem wea iumi stap insaed “olketa last day.” Diswan hem sekson bilong taem wea Bible profesi say pipol bae “no garem love.” Abaotem olketa “no gud taem wea hard for deal withim” hia, wea Bible kolem tu “taem bilong end bilong disfala system,” Jesus Kraest talem finis hao “love bilong planti pipol bae weak daon.”—2 Timothy 3:1-5; Matthew 24:3, 12.

So, way wea love no big tumas distaem, hem part long olketa proof wea show aot iumi stap insaed olketa last day bilong disfala world. But iumi hapi from diswan meanim tu way wea wanfala raeteous niu world wea love nao rul ovarem bae klosap change-im world bilong pipol wea no followim God.—Matthew 24:3-14; 2 Peter 2:5; 3:7, 13.

But waswe, iumi really garem reason for believe change olsem savvy kamap—hao evri pipol savvy learn for love-im each other and for stap tugeta long peace?

LOVE FOR NEIBOR—WANFALA REALLY SAMTING

“HU NAO really neibor bilong mi?” wanfala lawyer long first century askim Jesus. Hem tingsay Jesus bae say, ‘Olketa narafala Jew.’ But long wanfala story abaotem wanfala gudfala Samaritan neibor, Jesus showim aot way wea pipol bilong different kantri tu they neibor bilong iumi.—Luke 10:29-37; John 4:7-9.

Jesus strongim hao, mek-tu long love for God, love for neibor mas rulim living bilong iumi. (Matthew 22:34-40) But waswe, enitaem eni grup long pipol really love-im neibor bilong olketa? Olketa firstfala Kristian duim olsem! Pipol luksavvy long olketa from love wea olketa garem for pipol.—John 13:34, 35.

Waswe distaem? Eniwan followim love wea Kraest showim aot? Encyclopedia Canadiana hem say: “Work wea Olketa Witness Bilong Jehovah duim hem bringim back moa and startim moa firstfala Kristian Way wea Jesus and olketa disaepol bilong hem followim . . . Evriwan olketa brata.”

Wanem nao datwan meanim? Hem meanim Olketa Witness Bilong Jehovah nating letem eni samting—nomata color skin, kantri, or tribe—for mekem olketa hate-im neibor bilong olketa. Olketa bae no killim dae eniwan tu, bikos long tok piksa way olketa hammerim finis sword bilong olketa for kamap samting for digim graon and spear bilong olketa for kamap naef for katem tree. (Isaiah 2:4) Trufala samting nao, pipol luksavvy long olketa Witness from way wea olketa laek for helpem olketa neibor bilong them.—Galatians 6:10.

Dastawe iumi no sapraes taem olketa raet insaed Sacramento Union bilong California olsem: “Iumi fit for say sapos whole world live followim teaching bilong Olketa Witness Bilong Jehovah, way for killim man dae and fasin for hate bae finis, and love bae rul olsem king.” Wanfala man wea raet for Ring magasin long Hungary say: “Mi luksavvy distaem sapos Olketa Witness Bilong Jehovah nomoa pipol wea stap long disfala earth, olketa war bae finis, and only work for olketa policeman hem for kontrolim olketa truck and givim passport.”

But hem tru, for mekem evri pipol love-im each other, wanfala bigfala change evriwea long world bae need for kamap. Hao nao bae change olsem kamap? (Please lukim lastfala page.)

TAEM EVRI PIPOL BAE LOVE-IM EACH OTHER

WANFALA prea wea Jesus Kraest teachim hem showim aot bigfala change klosap for kamap. Long Sermon bilong hem long Maunten wea staka pipol savvy abaotem, Jesus teachim iumi for prea olsem: “Letem kingdom bilong iu kam. Letem will bilong iu kamap long earth, olsem hem stap long heven.”—Matthew 6:10, King James Version.

Wanem nao Kingdom bilong God? Hem wanfala really gavman, wea rul from heven. Dastawe olketa kolem “kingdom bilong heven.” Jesus, datfala “Prince bilong Peace,” kasem appointment finis from Father bilong hem for rul.—Matthew 10:7; Isaiah 9:6, 7; Psalm 72:1-8.

Taem Kingdom bilong God kam, wanem nao bae happen long disfala world wea fulap withim fasin for hate? ‘Datfala kingdom,’ bae “smasem and finisim” evri no gud gavman bilong disfala world. (Daniel 2:44) Bible hem say: “World hem ready for finis . . . , but man wea duim will bilong God bae stap olowe.”—1 John 2:17.

Abaotem niu world bilong God, Bible hem say: “Olketa wea raeteous bae stap long disfala earth, and olketa bae stap olowe long hem.” (Psalm 37:9-11, 29; Proverbs 2:21, 22) Hem bae wanfala barava taem bilong hapi! “Dae bae no moa, sorry and fasin for krae and pain bae no moa tu.” (Revelation 21:4) Nomata pipol dae finis they bae laef back moa, and whole earth bae change for kamap really paradaes.—Isaiah 11:6-9; 35:1, 2; Luke 23:43; Acts 24:15.

For stap insaed niu world bilong God, iumi mas love-im each other, olsem God hem teachim iumi for duim. (1 Thessalonians 4:9) Wanfala Bible student long wanfala Oriental kantri hem say: “Mi luk forward long taem wea, olsem Bible hem promisim, evri pipol savvy love-im each other.” And iumi savvy sure God bae keepim olketa promis bilong hem! “Mi talem finis,” hem say, “Mi bae duim tu.”—Isaiah 46:11.

But for enjoyim olketa blessing under long Kingdom bilong God, iu mas kasem savvy from Bible, olsem planti million pipol wea garem honest heart duim evriwea long world. (John 17:3) Wanfala 32-page brochure Wanem Nao God Mas Kasem From Iumi? bae helpem iu. Iu savvy kasem wanfala thru long way for raetem information long page bifor diswan and sendem go long address wea klosap long ples iu stap.

[Caption on page 2]

Sniper and funeral long Bosnia: Reuters/Corbis-Bettmann