Olketa Fren Bilong God Duim Gud Samting

Taem iu garem wanfala fren wea iu tinghae long hem and respectim, iu trae for olsem hem. “Jehovah hem gud and stret,” Bible hem sei. (Psalm 25:8) For kamap fren bilong God, iumi mas gud and stret. Bible hem sei: “Followim example bilong God, olsem olketa pikinini wea hem lovem, and go ahed for wakabaot long love.” (Ephesians 5:1, 2) Samfala wei for duim diswan hem olsem:

Helpem olketa narawan. “Letem iumi duim samting wea hem gud long evriwan.”—Galatians 6:10.

Waka hard. “Letem man wea steal no steal moa, bat letem hem duim hard waka, iusim hand bilong hem for duim gudfala waka.”—Ephesians 4:28.

Stap klin long physical wei and long fasin. “Letem iumi klinim iumiseleva from evri samting wea spoelem body and spirit, mekem holy fasin kamap perfect taem iumi fraet long God.”—2 Corinthians 7:1.

Treatim olketa famili member witim love and respect. “Letem evriwan . . . long iufala lovem waef bilong hem olsem hemseleva; long narasaed, waef mas garem bigfala respect for hasband bilong hem. Olketa pikinini, obeyim dadi and mami bilong iufala.”—Ephesians 5:33–6:1.

Showim love long narawan. “Letem iumi go ahed for lovem narawan, bikos love hem kam from God.”—1 John 4:7.

Obeyim olketa law bilong kantri. “Letem evri soul for stap anda long [gavman] . . . Givim bak long evriwan samting wea olketa askem, long man wea askem tax, givim tax.”—Romans 13:1, 7.