Waswe, Iu Laek for Savve Moa Abaotem Bible?

Why Readim Bible?

BIBLE hem difren from evri nara buk—hem garem olketa loving instruction from God. (1 Thessalonians 2:13) Sapos iu followim wanem Bible teachim, iu bae kasem staka gud samting. Love bilong iu for God bae grow and iu bae moa klos long hem, datwan wea Givim “evri gudfala present and evri perfect present.” (James 1:17) Iu bae savve hao for prea long hem. Long taem bilong trabol, iu savve kasem help from God. Sapos iu live followim olketa standard wea insaed Bible, God bae givim iu laef olowe.—Romans 6:23.

Bible garem olketa truth wea givim spiritual laet. Olketa wea kasem savve long Bible kamap free from olketa rong idea wea kontrolem living bilong staka million pipol. Olsem example, truth abaotem wanem happen bihaen iumi dae hem mekem iumi free from wei for fraetem biliv wea sei olketa wea dae savve spoelem iumi or hao olketa relative and fren bilong iumi wea dae go ahed for safa. (Ezekiel 18:4) Teaching bilong Bible abaotem resurrection hem comfortim olketa wea lusim samwan olketa lovem long dae. (John 11:25) Truth abaotem olketa wicked angel mekem iumi careful long olketa danger bilong spiritism and helpem iumi minim why nao staka trabol go ahed long earth.

Olketa principle wea God givim insaed Bible teachim iumi hao for garem living wea mekem iumi kasem planti gudfala samting long physical wei. Olsem example, wei for “no ova tumas long fasin” hem important long wei for garem gud health. (1 Timothy 3:2) Thru long wei for “klinim iumiseleva from evri samting wea spoelem body and spirit,” iumi stap klia from wei for spoelem health bilong iumi. (2 Corinthians 7:1) For followim kaonsel from God insaed Bible bae mekem grow tu hapi insaed long marit and wei for respectim seleva.—1 Corinthians 6:18.

Sapos iu followim Word Bilong God, iu bae kamap moa hapi. Savve from Bible helpem iumi faendem feeling bilong peace, wei for satisfae and hem givim iumi hope. Hem helpem iumi for mekem grow olketa naesfala fasin olsem fasin for kea, love, hapi, peace, kaenfala fasin, and faith. (Galatians 5:22, 23; Ephesians 4:24, 32) Olketa fasin olsem helpem iumi kamap hasband or waef, dadi or mami, son or dota wea moabeta.

Waswe, enitaem iu ting raonem future? Olketa Bible profesi showim hao iumi stap long wanfala important taem bilong history bilong man. Olketa hia no just profesi abaotem living bilong world distaem bat olketa showim tu hao klosap nao God bae mekem earth for kamap paradaes.—Revelation 21:3, 4.

Help for Minim Bible

Maet iu bin trae for readim Bible bat faendem hem hard for minim. Maet iu no savve wea long Bible nao for faendem ansa for olketa kwestin bilong iu. Sapos olsem, hem no iuseleva nomoa wea no savve. Iumi evriwan needim help for minim Word bilong God. Olketa Jehovah’s Witness long samting olsem 235 kantri givim free Bible instruction long staka million pipol. Olketa bae hapi for helpem iu tu.

Best wei for studyim Bible hem for start long olketa main teaching. (Hebrews 6:1) Taem iu go ahed, iu bae kamap moa fit for minim “strongfala kaikai”—hem nao, olketa truth wea moa deep. (Hebrews 5:14) Bible nomoa garem stret ansa. Olketa pablikeson wea iusim Bible olsem datfala buk Wanem Nao Really Samting wea Bible Teachim?, bae helpem iu minim olketa Scripture long planti difren ­subject.

Waswe, Iu Willing for Iusim Taem Evri Week for Minim Bible?

Iu savve garem wanfala Bible study long taem and ples wea fitim iu. Staka pipol study long kwaet ples long haos bilong olketa. Samfala study long telephone. Disfala study program hem no wanfala class witim staka pipol, bat hem wanfala private arrangement for fitim living bilong iu, and education bilong iu tu. No eni exam bae kamap, and no eniting bae kamap for mekem iu feel shame. Olketa Bible kwestin wea iu garem bae kasem ansa, and iu bae lane hao for kam klos long God.

Iu no need for pei for wanfala Bible study olsem. (Matthew 10:8) Hem free for pipol bilong evri religion and for pipol wea no followim eni religion bat wea barava laek kasem moa savve abaotem Word bilong God.

Hu nao savve joinim study? Full famili bilong iu. Eni fren wea iu laek invaetem savve join tu. Or sapos iu laekem, iuseleva nomoa.

Staka pipol markem wan hour evri week for studyim Bible. Sapos iu fit for iusim moa taem or no fit for markem wan hour evri week, olketa Witness redy nomoa for helpem iu.

Wanfala Invitation for Lane

Mifala invaetem iu for story witim Olketa Jehovah’s Witness. Wanfala wei iu savve duim diswan hem for raet go long address long daon. Olketa bae arrange for samwan duim free hom Bible study witim iu.

□ Sendem mi wanfala copy bilong buk Wanem Nao Really Samting wea Bible Teachim?

□ Plis mi laekem wanfala free Bible study.

Sapos mifala no markem difren, evri scripture hia kam from New World Translation of the Holy Scriptures.