Introduction blo Sekson 7

Disfala sekson storyim olketa samting wea happen insaed 80 years lo laef blo King Saul and King David. Firstaem, Saul hambol and hem man wea fraet lo God, bat no longtaem bihaen, wei blo hem change and no laek for followim direction from Jehovah. Jehovah rejectim hem, and talem Samuel for anointim David for next king blo Israel. Saul jealous and staka taem hem trae for killim dae David, bat David no changem bak datwan. Jonathan, son blo Saul hem savve Jehovah chusim David for king, so Jonathan loyal lo David. David duim samfala serious sin, bat no enitaem hem rejectim discipline from Jehovah. If iu wanfala dadi or mami, helpem pikinini blo iu for lukim why hem important for evritaem sapotim arrangement blo God.