“Kill From Wanfala Fren”

APOSOL Paul lukim need for givim samfala kaonsel long olketa first-century Christian long Galatia. Maet from hem laek stopem eni nogud feeling for kamap, hem ask: “So, hao, mi kamap enemy bilong iufala nao bikos mi talem iufala tru samting?”—Galatians 4:16.

Taem hem ‘talem tru samting,’ Paul no kamap enemy bilong olketa. Tru nao, hem duim samting followim Bible principle: “Kill wea man kasem from wanfala fren, hem faithful.” (Proverbs 27:6, King James Version) Paul savve hao feeling bilong olketa wea duim rong savve garekil. Bat hem luksavve hao wei for stopem discipline from sinner hem olsem wei for stopem love bilong Jehovah God from hem. (Hebrews 12:5-7) Dastawe, olsem wanfala faithful fren wea really interest long gud samting for kongregeson, Paul no hol bak for givim kaonsel for stretem olketa.

Distaem, Olketa Jehovah’s Witness go ahed for fulfillim komand wea olketa kasem for “mek-disaepol long pipol bilong evri nation, . . . teachim olketa for duim evri samting wea [Jesus Christ] komandim.” Taem olketa duim olsem, olketa honest Christian hia no changem olketa Bible truth wea showaot klia and tok strong againstim olketa rong teaching and fasin wea no Christian. (Matthew 15:9; 23:9; 28:19, 20; 1 Corinthians 6:9, 10) Olketa no enemy for rejectim, bat olketa showimaot really interest wea hem fasin bilong trufala fren.

Witim fasin for luksavve wea kam from God, man wea raetem psalm hem raet: “Sapos raeteous wan hem hitim mi, hem bae wanfala loving-kaeness; and sapos hem repruvim mi, hem bae olsem oil long hed bilong mi, wea hed bilong mi bae no againstim.”—Psalm 141:5.