Hard for Forgetim

EVRI year, Olketa Jehovah’s Witness hipap tugeta for olketa Christian assembly and convention. Olketa duim diswan for kasem instruction and wei for kaban wea buildimap olketa long spiritual wei. Bat olketa nara samting wea kamap long hipap bilong olketa hem hard for olketa visitor forgetim.

Olsem example, long July 1999, for thrifala day staka thousand Witness long Mozambique hipap for datfala “Profesi Toktok Bilong God” Distrik Convention. Staka long olketa hem first taem for attendim wanfala convention. Olketa tinghae tumas no long olketa tok wea olketa herem nomoa bat tu long wanem olketa lukim raonem olketa.

Wanfala koment wea kamap long Maputo Assembly Hall hem: “Mi no lukim eni ples wea luk naes olsem long full laef bilong mi! Olketa toilet garem soap and mirror, and smel klin tu. Ples hem peaceful from no eni noise bilong olketa pikinini wea faet. And no eniwan pushpush! Mi lukim hapi young pipol wea story tugeta abaotem olketa gud samting. Mi tinghae tu long wei wea evriwan werem gud kaleko. Next taem, mi bae tekem kam olketa pikinini bilong mi and mekem hasband bilong mi lukim hao mifala mas attendim disfala convention.”

Yes, pipol lukim wei wea Olketa Jehovah’s Witness honest, faithful, and klin. Why nao olketa Witness difren? Bikos olketa barava trae for followim wanem olketa lanem from Bible. Waswe sapos iu faendaot seleva long wei for hipap witim olketa dis year long wanfala long olketa convention wea kamap evri year or long wanfala meeting long Kingdom hall wea kamap evri week?

[Piksa long page 32]

ZAMBIA

[Piksa long page 32]

KENYA

[Piksa long page 32]

MOZAMBIQUE