STUDY MAGASIN

OLKETA STUDY

▪ Duim Gud Waka Bilong Iu for Talemaot Gud Nius

Disfala study storyim wanem nao datfala gud nius, and why nao pipol mas herem gud nius. Hem storyim tu hao iumi savve duim gud waka bilong iumi for talemaot gud nius.

▪ Waswe, Iu “Strong for Duim Olketa Gud Samting”?

Disfala study storyim hao taem iumi “strong for duim olketa gud samting,” datwan savve mekem pipol laek savve long God. (Titus 2:14) Iumi savve duim diswan long preaching waka bilong iumi, and tu long gudfala wei bilong iumi olketa Christian.

▪ Story Gud Tugeta for Strongim Marit

▪ Parents and Pikinini, Showimaot Love Taem Iufala Story Tugeta

Sapos hasband and waef laek for garem hapi marit and famili, tufala mas lane for story gud tugeta. Firstfala study storyim olketa wei wea iumi mas garem mekem iumi savve story gud long narawan. Mek-tu study storyim wanem parents and pikinini savve duim mekem olketa savve story gud tugeta.

▪ Disaed Gud Mekem Iu Kasem Blessing

Wanem blessing nao God promis for givim long olketa Christian? Wanem nao iumi savve lanem abaotem datfala blessing wea iumi bae kasem from tingting bilong Esau abaotem blessing wea hem shud kasem? Wanem nao bae helpem iumi for mekem olketa gudfala disison mekem iumi kasem datfala blessing long future? Disfala study bae ansarem olketa kwestin hia.