Service Meeting Schedule
Week Bilong May 9
Song 97
10 min: Announcement bilong kongregeson. Chusim samfala announcement from Kingdom Ministry Bilong Iumi. Iusim olketa idea long page 8 (sapos hem fitim territory bilong iu) for duim demonstration long April 15 Wastaoa and April 22 Awake! Iu savve duim eni nara demonstration wea fitim. Long wanfala demonstration, showim hao for offerim magasin long pablik transport.
15 min: Iusim Word Bilong God for Kasem Heart Bilong Man. Tok wea kam from February 1, 2005, Wastaoa, page 28-31. Storyim hao Jesus iusim olketa scripture for helpem Peter. Storyim hao iumi savve followim example bilong Jesus long wei for iusim olketa scripture taem need kamap for stretem tingting or feeling bilong olketa pikinini, olketa Bible student bilong iumi, and nomata iumiseleva tu.
20 min: “Mekem Schedule wea Fitim Famili.” Long introduction wea no winim tufala minute, mekhae long gudfala samting abaotem kaen schedule olsem and storyim hao for mekem wanfala schedule insaed emti schedule long page 6. Bihaen datwan, brata wea duim disfala part savve duim disfala article “Famili Schedule—Olketa Kongregeson Meeting” olsem kwestin and ansa part. Askem audience for talem samting wea olketa duim for no letem eni samting stopem olketa for attendim kongregeson meeting. Long olketa week bihaen bae iumi storyim olketa nara samting saed long famili schedule.
Song 45 and prea.
Week Bilong May 16
Song 89
10 min: Announcement bilong kongregeson.
15 min: “Famili Schedule—Famili Field Service.”a Askem audience for talem gud samting wea olketa kasem taem famili waka tugeta evritaem long ministry.
20 min: “Conductim Olketa Bible Study wea Muv Ahed—Part 9.”b Long paragraf 2, mekhae long wan or tufala point from December 2004 Kingdom Ministry Bilong Iumi, long page 8. Iusim lelebet taem for showim hao for duim Bible study. Taem leson 2 long Kasem brochure hem finis, study conductor savve askem student olsem: “Hao nao bae iu explainim long wanfala fren bilong iu hao nem bilong God hem Jehovah?” Student explainim hao hem bae iusim Psalm 83:18, and then hem gud for study conductor praisem hem.
Song 24 and prea.
Week Bilong May 23
Song 87
12 min: Announcement bilong kongregeson. Readim accounts report. Iusim olketa idea long page 8 (sapos hem fitim territory bilong iu) for duim demonstration long May 1 Wastaoa and May 8 Awake! Savve duim eni nara demonstration wea fitim.
18 min: “Day Bilong Jehovah Hem Klosap.”c For preparem disfala part, lukim buk Profesi Bilong Daniel, page 59, paragraf 28.
15 min: “Famili Schedule—Famili Study.”d Arrange fastaem witim wan or tufala for storyim hao olketa mekem schedule for famili study bilong olketa and wanem nao olketa duim for mek sure olketa no missim study enitaem.
Song 65 and prea.
Week Bilong May 30
Song 84
10 min: Announcement bilong kongregeson. Remindim olketa pablisa for givim field service report for May. Talem literature for iusim long June. Iusim wan or tufala idea from January 2005 Kingdom Ministry Bilong Iumi insert (sapos hem fitim territory) long hao for offerim datfala literature. Iu savve iusim olketa nara idea wea fitim.
20 min: “Famili Schedule—Text Evriday.”e Askem audience for talem gud samting wea olketa kasem from wei wea famili lukluk long text evriday and wanem nao schedule bilong olketa for duim datwan.
15 min: “Wei wea Kongregeson Buk Study Overseer Showim Interest Long Man Wanwan.” Kwestin and ansa part wea wanfala Kongregeson Buk Study Overseer hem duim. Long introduction, explainim hao nao buk study arrangement hem start. (jv 237, par. 4) Arrange fastaem for tu or thrifala pablisa for talem hao olketa kasem gud samting from help wea olketa kasem thru long Kongregeson Buk Study.
Song 34 and prea.
Week Bilong June 6
Song 66
10 min: Announcement bilong kongregeson.
15 min: Need bilong kongregeson.
20 min: “Mekem Interest Grow Witim Magasin Route.”f Long paragraf 3, iusim samfala information from Reasoning buk, page 227-32. Iumi savve iusim disfala information for preparem olketa scripture wea iumi savve iusim for storyim gud samting wea Kingdom bae duim, and iumi savve sharem wanfala long olketa scripture hia each taem iumi duim return visit. Duim demonstration long hao pablisa maet iusim wanfala scripture taem hem story witim man wea insaed magasin route bilong hem. Pablisa shud story lelebet taem nomoa, and explainim datfala scripture long wei wea bae helpem haosholder for minim klia and lukim hao samting wea disfala scripture talem hem important long laef bilong hem.
Song 46 and prea.
[Olketa Footnote]
a Iu mas talem introduction insaed wan minute, and duim part olsem kwestin and ansa.
b Iu mas talem introduction insaed wan minute, and duim part olsem kwestin and ansa.
c Iu mas talem introduction insaed wan minute, and duim part olsem kwestin and ansa.
d Iu mas talem introduction insaed wan minute, and duim part olsem kwestin and ansa.
e Iu mas talem introduction insaed wan minute, and duim part olsem kwestin and ansa.
f Iu mas talem introduction insaed wan minute, and duim part olsem kwestin and ansa.