Samfala Idea for Startim Storyim Witim Olketa Brochure
KEEPIM
Long disfala insert hem garem olketa idea wea savve helpem iu for startim story long olketa brochure. Iu savve changem for fitim territory bilong iu. Iu savve iusim nara idea tu. Iu savve iusim olketa idea insaed disfala insert for helpem iu redim wei for startim story insaed olketa nara brochure wea disfala insert no storyim.—Lukim January 2005 Kingdom Ministry Bilong Iumi, p. 8.
Each idea hia garem (1) wanfala kwestin for startim story wea savve mekem man tingting, (2) ples wea information for storyim hem stap long brochure, and (3) wanfala scripture for readim taem iumi story. Olketa idea hia hem for helpem iumi startim story, bat iumi nao mas gohed for story fitim samting wea man long haos talem.
A Book for All People
“Waswe, iu tingse Bible garem advaes wea fitim taem bilong iumi?”—p. 22, toktok anda long heding; p. 23, par. 3 long box; Prov. 25:11.
Hapi for Stap Long Earth Olawe!
“Plande pipol tingse heven nao ples for man enjoyim laef olowe, bat hao nao tingting bilong iu abaotem wei for laef olowe long earth?”—Showim kava; Rev. 21:4.
Iu Savve Kamap Fren Bilong God!
“Long James 2:23, God kolem Abraham ‘fren bilong hem.’ God nao best fren wea iu savve garem. Waswe, iu savve why nao olsem?”—p. 4, par. 1, 2; Jas 4:8.
Should You Believe in the Trinity?
“Pipol garem plande difren kaen tingting abaotem hu nao God. Waswe, iu tingse hem important for mek sure samting iumi bilivim hem tru or nomoa?”—p. 3, par. 3, 7-8; John 17:3.
The Divine Name That Will Endure Forever
“Klosap evriwan long iumi savve long datfala Lord’s prea, ‘Our Father in heaven, hallowed be your name.’ (Matt. 6:9, New International Version) Bat waswe, iu savve hao salvation bilong iumi depend long wei for savve long datfala nem?”—p. 28, par. 1; Rom. 10:13.
The Government That Will Bring Paradise
“Plande pipol bae laekem tumas for savve long eni wei for stretem evri problem wea iumi feisim distaem. Waswe, iu tingse eni gavman bae fit for stretem olketa problem hia?”—p. 3, par. 1; Matt. 6:9, 10.
Taem Samwan wea Iu Lovem Hem Dae
“Tuday mifala showim disfala brochure wea givim comfort and hope long plande million pipol wea lusim olketa wea olketa love long dae. Waswe, enitaem iu tingim sapos eni hope stap for olketa wea dae finis?”—p. 27, par. 3; John 5:28, 29.
“Waswe, enitaem iu tingim hao for comfortim eniwan wea lusim samwan wea hem lovem wea dae?”—p. 20, par. 1; Prov. 17:17.
Wanem Nao Happen Long Iumi Taem Iumi Dae?
“Taem olketa wea iumi lovem olketa dae, hem wei bilong iumi for laek savve ples olketa stap and sapos bae iumi lukim olketa moa. Waswe, enitaem iu tingim olketa kaen kwestin olsem tu?”—Olketa kwestin hia stap long bak kava; Job 14:14, 15.