Offerim Lane From Datfala Nambawan Teacher

◼ “Wanem nao tingting bilong iu, bae disfala world kamap naesfala ples sapos pipol followim disfala toktok? [Readim Matthew 7:12a. Then letem hem ansa.] Disfala buk garem staka samting for lanem from nambawan teacher wea winim eni nara teacher.” Showim olketa piksa and olketa smol toktok abaotem olketa piksa long chapter 17.

◼ “Staka parents distaem trae for teachim pikinini bilong olketa for garem olketa gudfala fasin. Wanem nao tingting bilong iu, datwan hem important? [Letem hem ansa. Then readim Proverbs 22:6.] Disfala scripture showimaot hao parents kasem encouragement for start for trainim pikinini taem olketa smol yet. Olketa wakem disfala buk for helpem parents for duim datwan.” Showim olketa piksa and olketa smol toktok abaotem olketa piksa long chapter 15, 18, or 32.

◼ “Staka taem parents sapraes long samting wea pikinini bilong olketa askem. Samfala kwestin hem no isi for ansarem, iaman? [Letem hem ansa. Then readim 2 Timothy 3:14, 15.] Mami and granmami bilong Timothy start for teachim hem wanem Bible hem sei taem hem baby yet. Disfala buk savve helpem parents for duim sem samting tu long pikinini bilong olketa distaem.” Showim olketa piksa and olketa smol toktok abaotem olketa piksa long chapter 11 and 12 or 34 go kasem 36.