Announcement
◼ July and August: Iusim eni 32-page brochure hia: Hapi for Stap Long Earth Olawe!, Wanem Nao Happen Long Iumi Taem Iumi Dae?, and Gohed for Luk Aot! September: Lane From Datfala Nambawan Teacher. Sapos pipol sei olketa no garem eni pikinini, showim Hapi Famili buk. October: Offerim olketa Watchtower, Wastaoa, and Awake! magasin. Sapos man hem interest, showim Gohed for Luk Aot! brochure for mekem interest bilong hem long Bible kamap moa big.
◼ Start long September, olketa circuit overseer bae givim pablik tok wea garem title: “Waswe, God Appruvim Iu or Nomoa?”
◼ Start long week bilong March 12, 2007, iumi bae studyim long Kongregeson Buk Study datfala buk, Lane From Datfala Nambawan Teacher.
◼ Olketa application for regular pioneer service shud kasem branch office 30-fala day bifor date wea pablisa markem for startim pioneer service bilong hem. Kongregeson secretary shud mek sure pablisa raetem stret datfala application pepa. Sapos pablisa no savve long barava date wea hem baptaes, hem shud tingim date wea klosap long datwan lelebet and raetem long eni pis pepa and keepim gud long sef ples. Secretary shud raetem disfala date long Congregation’s Publisher Record (S-21) card.
◼ Olketa kongregeson secretary shud mek sure olketa garem wanfala Pioneer Appointment Letter (S-202) for each regular pioneer insaed long kongregeson. Sapos olketa no garem, olketa shud raet go long branch office.
◼ Literature servant shud kaontem evri literature and magasin wea stap long buk rum long August 31, 2006, or no winim tu-thri day bihaen disfala date. Diswan hem lelebet semsem witim kaont wea hem savve duim evri month, and haomas long evri samting wea stap hem shud raetem long Literature Wea Stap (S-18-SP) pepa. Magasin servant shud savve haomas magasin hem stap. Secretary bilong kongregeson shud chekim diswan. Hem and presiding overseer bilong kongregeson bae saenem datfala pepa. Each kongregeson bae kasem thrifala copy bilong Literature Wea Stap (S-18-SP) pepa. Plis sendem first copy go long branch office bifor September 6. Wanfala copy bae stap long file bilong kongregeson. Mek-thri hem copy for raet long hem.