Service Meeting Schedule

Samting for tingim: Kingdom Ministry Bilong Iumi bae markem Service Meeting for each week long taem wea olketa convention gohed. Olketa kongregeson savve mekem olketa change wea fitim from olketa bae attendim “Salvation Hem Klosap!” Distrik Convention long olketa difren taem. Sapos hem fitim, iusim 15 minute long lastfala Service Meeting bifor convention for reviewim kaonsel long Kingdom Ministry Bilong Iumi, long April 2006 wea fitim. Wan or tufala month bihaen convention, markem 15 go kasem 20 minute long Service Meeting (maet iusim need bilong kongregeson part) for reviewim olketa main point bilong convention wea olketa pablisa faendem hem helpem olketa long field ministry. Disfala spesol Service Meeting part bae givim iumi chance for storyim hao iumi iusim wanem iumi lanem long convention, and hao hem helpem iumi for kamap moabeta long ministry bilong iumi.

Week Bilong September 11

Song 4

10 min: Announcement bilong kongregeson. Talem samfala announcement from Kingdom Ministry Bilong Iumi. Iusim olketa idea long page 6 or olketa nara wei for startim story wea fitim territory bilong iu and duim demonstration long September 1 Wastaoa and August Awake! Long wanfala demonstration, showim hao for ansarem disfala toktok for stopem story “Mi garem religion finis.”—Lukim Hao for Startim and Go Ahed for Story Abaotem Bible buklet, pp 10-11.

20 min: “Organized to Do Jehovah’s Will.” Waka Tugeta Anda Long Lead Bilong Christ. Wanfala tok wea kam from disfala main heding “What Recognition of His Role Means” long page 13-15 bilong Organized to Do Jehovah’s Will buk. Lukim insert.

15 min: “Jehovah Helpem Olketa wea Trustim Hem.”a Taem iu storyim paragraf 4, storyim tu olketa koment long Ministry Skul buk, page 67, paragraf 1.

Song 22 and prea.

Week Bilong September 18

Song 95

 5 min: Announcement bilong kongregeson.

15 min: Wanem Nao Iumi Duim Last Year? Service overseer reviewim service year wea go pas, and storyim olketa gud samting wea evriwan duim long field ministry. Talem praise wea fitim. Storyim wan or tufala samting wea kongregeson need for waka long hem long 2007 service year. Storyim waka wea olketa pioneer duim and praisem olketa for gudfala waka bilong olketa. Storyim olketa gud samting wea kamaot from wei for waka hard for helpem olketa wea inactive.

25 min: “Spesol Waka Long October 16 Go Kasem November 12!” Wanfala elder givim disfala tok long wei wea showimaot feeling. Bihaen hem readim announcement wea stap long leta for olketa elder long June 6, 2006, olketa attendant givim wanfala copy bilong Kingdom Nius No. 37 long each wan wea kam long meeting. Then gohed long wei for duim kwestin and ansa long disfala article. Storyim arrangement bilong kongregeson for duim evribit territory bilong iufala. Encouragem evri pablisa for share evribit long disfala spesol waka. Duim shortfala demonstration long hao for offerim disfala tract.

Song 24 and prea.

Week Bilong September 25

Song 53

10 min: Announcement bilong kongregeson. Readim accounts report and eni thankiu leta for donation. Remindim olketa pablisa for givim field service report for September. Iusim olketa idea long page 6 or eni nara story wea fitim territory bilong iu long hao for storyim September 1 Watchtower or September Awake! long street waka.

20 min: Kasem Strong for Duim Return Visit. Kwestin and ansa part wea kam from January 2006, Kingdom Ministry Bilong Iumi insert, paragraf 24-34. Reviewim box wea stap long page 3 bilong datfala insert.

15 min: Branch Leta. Story witim audience long disfala leta from branch, wea stap long page faev bilong disfala Kingdom Ministry Bilong Iumi.

Song 34 and prea.

Week Bilong October 2

Song 84

10 min: Announcement bilong kongregeson.

15 min: Need bilong kongregeson.

20 min: “Preach From Haos tu Haos.”b Sapos taem hem fitim, askem audience for storyim olketa scripture wea stap.

Song 51 and prea.

[Olketa Footnote]