Part 2—Olketa Study Kwestin for Lane From Datfala Nambawan Teacher
Hao for duim Study insaed Teach-er Buk
For studyim disfala buk long gudfala wei, bae hem gud for raetem namba for olketa paragraf long each chapter, wea insaed diswan hem olketa paragraf long introduction. Long each sekson, iu shud readim olketa paragraf wantaem, no each wan separate. Taem study hem gohed, iu savve storyim olketa scripture long end bilong chapter long taem wea hem bae fitim for duim datwan.
Taem iu studyim disfala buk long Kongregeson Buk Study, iu shud duim tufala chapter each week. Introduction nao bae first chapter. Hem bae tek 25 week for studyim disfala buk, and long last week iu bae duim Chapter 48 witim wanfala shortfala review for full buk.
Chapter 16 Paragraf 1-6
1. Wanem nao problem bilong datfala man wea komplen long Jesus abaotem brata bilong hem?
2. Wanem story nao Jesus talem for showimaot hao tingting bilong datfala man hem no stret? (Readim Luke 12:16-21)
Paragraf 7-13
3. Hao nao plande wea young and plande wea olo olsem datfala man wea rich?
4. Wanem samting nao hem moa important winim olketa material samting, bat olsem datfala man wea rich, plande distaem barava aftarem tumas wanem samting?
5. Why nao iumi shud no olsem datfala rich man long story bilong Jesus?
Paragraf 14-17
6. Wanem nao hem minim for rich saed long God?
7. Wanem gudfala example nao Jesus hem showimaot for iumi?
8. Wanem gud samting nao Jesus kasem from wei wea hem rich saed long God?
Chapter 17 Paragraf 1-8
1. Wanem samting nao mekem man hapi?
2. Why nao Bible kolem Jehovah “datfala hapi God”?
3. Wanem samting nao maet iumi savve givim long narawan?
Paragraf 9-12
4. Jesus and olketa aposol bilong hem givim wanem samting long pipol?
5. Wanem nao Paul and Luke givim long pipol and why nao Lydia hapi from wei wea hem savve givim samting tu?
Paragraf 13-16
6. Hao nao iumi shud ting long wei for give, and why nao olsem?
7. Why nao wanfala woman wea poor hapi for givim evri samting wea hem garem?
8. Wanem nao samfala wei wea maet iumi savve “gohed for give,” and wanem gud samting nao bae kamaot from datwan?
Chapter 18 Paragraf 1-5
1. Wanem nao iumi shud duim taem olketa narawan kaen long iumi?
2. Wanem nao leprosy, and why nao pipol stap klia long olketa leprosy man long taem bilong Jesus?
3. Long wanem wei nao Jesus hem deal witim olketa leprosy man?
Paragraf 6-12
4. Wanem samting nao Jesus talem long tenfala leprosy man wea askem hem for healim olketa, and why nao hem duim datwan?
5. Wanem nao hem showimaot olketa leprosy man tingse Jesus savve healim olketa?
6. Wanem nao happen long olketa leprosy man taem olketa gogo for lukim olketa priest?
7. Long wanem wei nao datfala Samaritan man hem difren from naenfala narawan?
Paragraf 13-18
8. Hao nao iumi savve olsem datfala man wea go bak for talem thankiu long Jesus?
9. Why nao hem important for talem thankiu long pipol wea duim olketa gudfala samting for iumi?
Chapter 19 Paragraf 1-5
1. Wanem nao Jesus talem abaotem wei for mekem peace kamap, bat why nao hem no isi for duim datwan samfala taem?
2. Long datfala taem wea olketa Samaritan no kaen long Jesus, wanem nao James and John laek for duim?
Paragraf 6-12
3. Wanem nao Proverbs 24:29 sei abaotem wei for pei bak?
4. Toktok bilong Jesus long Matthew 5:39 hem minim wanem?
5. Sapos iumi luksavve wanfala trabol bae kamap, wanem nao best samting for duim, and why nao olsem?
Paragraf 13-17
6. Wanem nao Proverbs 26:17 hem sei, and long wanem wei nao datwan hem semsem witim wei for join insaed faet bilong narawan?
7. Plande taem, wanem nao pipol duim taem wanfala faet hem kamap, bat wanem nao wanfala Christian shud duim, and why nao olsem?
Chapter 20 Paragraf 1-7
1. Wanem nao tingting bilong Jesus abaotem pipol wea evritaem laek for first?
2. Wanem story nao Jesus hem talem, and why nao olsem?
3. Wanem nao story bilong Jesus hem teachim iumi?
4. Plande taem, wanem nao hem happen taem samwan trae for first?
Paragraf 8-15
5. Wei for laek first hem mekem wanem problem kamap midolwan olketa aposol taem olketa gogo for Jerusalem?
6. Jesus hem sei man wea laek for first shud duim wanem samting?
7. Long wanem wei nao iumi savve olsem slave bilong narawan?
Chapter 21 Paragraf 1-10
1. Wanem nao wei for tok praod, and hao nao tingting bilong iu abaotem pipol wea duim datwan?
2. Wanem story nao Jesus hem talem abaotem wanfala Pharisee and wanfala man for kolektem tax?
3. Jesus iusim disfala story for teachim iumi wanem samting?
Paragraf 11-19
4. Long wanem taem nao Peter hem tok praod, and long wanem wei nao plande pipol distaem duim datwan tu?
5. Why nao iumi no garem eni gudfala reason for tok praod abaotem iumiseleva?
6. Hu nomoa iumi shud tok praod abaotem, and why nao olsem?
Chapter 22 Paragraf 1-6
1. Wanem nao mining bilong toktok bilong Jesus long Matthew 5:37?
2. Wanem nao samfala samting wea happen no longtaem bihaen Jesus hem dae?
Paragraf 7-13
3. Wanem rong samting nao Ananias and Sapphira duim, and wanem nao happen long olketa?
4. Datfala story abaotem Ananias and Sapphira hem teachim iumi wanem samting?
Paragraf 14-18
5. Why nao hem rong for laea?
6. Wanem taem nao maet iumi barava kasem temptation for laea?
7. Long wanem wei nao Bible warnim iumi for no laea?
Chapter 23 Paragraf 1-8
1. Wea nao Jesus stap taem pipol tekem kam long hem wanfala man wea paralyze?
2. Wanem samting nao mekem hem no isi for datfala man wea paralyze for kasem Jesus, bat gogo, wanem nao mekem hem win for duim datwan?
3. Long wanem wei nao Jesus helpem datfala man?
Paragraf 9-14
4. Wanem samting nao iumi lanem from mirakol wea Jesus duim for healim datfala man wea paralyze?
5. Why nao evriwan kasem sin?
Paragraf 15-18
6. Why nao samfala pipol moa sik winim olketa narawan?
7. Wanem nao only wei wea sin bilong iumi savve finis, and wanem kaen health bae iumi garem bihaen sin bilong iumi hem finis?
Chapter 24 Paragraf 1-13
1. Wanem samting nao savve mekem man for steal?
2. Hu nao firstfala man for steal, and wanem nao hem stealim?
3. Iumi evriwan mas stap klia long wei for laekem wanem samting?
4. Wei wea Judas Iscariot laekem samting wea rong mekem hem for duim wanem nogud samting?
Paragraf 14-21
5. Wanem nao mekem Achan hem kamap man for steal?
6. Long wanem wei nao David and son bilong hem Absalom stealim samting wea no bilong olketa?
7. Hao nao tingting bilong God abaotem evri difren kaen wei for steal?
8. Wanem samting nao bae helpem iumi for no kamap man for steal?
Chapter 25 Paragraf 1-8
1. Why nao iumi evriwan duim samting wea rong samfala taem?
2. Olketa wanem nogud samting nao Saul hem duim, and why nao olsem?
Paragraf 9-15
3. Wanem nao happen long Saul taem hem go for arrestim olketa Christian?
4. Saul hem change and kamap wanem, and olketa wanem gud samting nao hem duim?
5. Hu nao busy tumas for trae switim pipol for duim olketa nogud samting?
Paragraf 16-20
6. Wanem nao iumi evriwan mas trae hard for duim?
7. Why nao Jesus lovem pipol wea duim olketa nogud samting?
8. Taem iumi luksavve from Bible hao iumi duim rong samting, wanem nao iumi shud duim?
Chapter 26 Paragraf 1-9
1. Taem Saul kamap wanfala disaepol bilong Jesus, wanem nao pipol duim long hem?
2. Wanem tru samting from Bible nao Jesus teachim wea mekem pipol kros?
3. Wanem nao pipol trae for duim long Jesus, bat waswe, datwan stopem hem for gohed preach long olketa?
Paragraf 10-14
4. Wanem mirakol nao Jesus duim long Sabbath?
5. Hu nao hapi long wei wea Jesus duim wanfala mirakol, bat hu nao olketa wea no hapi long datwan?
6. Iumi evriwan mas disaedem wanem samting?
7. Hu nao olketa wea mekem wei for iumi duim gud samting hem no isi?
Paragraf 15-18
8. Hu nao olketa wea Jesus kolem “world” wea heitim hem?
9. Why nao hem barava no isi for duim samting wea gud?
10. Olketa wanem promis nao shud muvim iumi for duim samting wea God laekem?
Chapter 27 Paragraf 1-5
1. Why nao pipol laek for worshipim Paul and Barnabas, bat wanem nao Paul and Barnabas talem and duim?
2. Olketa wanem kaen god nao staka pipol worshipim?
3. Hu nao god bilong disfala world, and wanem nao hem trae for mekem pipol duim?
Paragraf 6-13
4. Wanem nao King Nebuchadnezzar komandim evriwan for duim, bat why nao thrifala young Hebrew les for duim datwan?
5. Wanem mirakol nao Jehovah hem duim, and long wanem wei nao diswan affectim King Nebuchadnezzar?
Paragraf 14-15
6. Waswe, iu savve long eni image or idol wea olketa man worshipim distaem?
7. Sapos thrifala Hebrew hia stap distaem, bae wanem nao tingting bilong olketa abaotem olketa idol distaem?
Chapter 28 Paragraf 1-5
1. Why nao samfala taem hem no isi for disaedem hu nao for obeyim?
2. Bible givim olketa wanem instruction for olketa young wan?
3. Why nao Shadrach, Meshach, and Abednego les for baodaon long image wea King Nebuchadnezzar komandim olketa man for wakem?
4. Taem olketa aposol mas mekem disison abaotem hu nao for olketa obeyim, wanem nao olketa disaedem?
Paragraf 6-10
5. Hu nao bigman bilong gavman taem Jesus hem laef, and olketa wanem gud samting nao olketa gavman duim for pipol?
6. Wanem nao Jesus sei abaotem wei for peim tax, and why nao samting hem talem hem fitim?
Paragraf 11-18
7. Why nao evriwan nomata olketa young or olo shud obeyim olketa law bilong gavman and olketa wea waka for gavman?
8. Long wanem taem nao olketa tru Christian bae no followim samfala law, and why nao olsem?
Chapter 29 Paragraf 1-10
1. Wanem nao showimaot God hem no againstim wei for garem party, bat olketa wanem kaen party nao hem no acceptim?
2. Bible hem storyim wanem tufala birthday party?
3. Storyim samting wea happen long tufala party hia.
Paragraf 11-15
4. Long tingting bilong iu, wanem samting nao Bible hem teachim iumi abaotem olketa birthday party?
5. Olketa chusim wanem date nao for celebratem birthday bilong Jesus, bat why nao datfala date hem rong?
Paragraf 16-17
6. Why nao pipol celebratem Christmas?
7. Hao nao iumi savve mek sure God hem acceptim party wea iumi join insaed? (John 17:16; 2 Corinthians 6:14; 1 Peter 4:3)
Chapter 30 Paragraf 1-9
1. Why nao Peter and olketa nara aposol fraet?
2. Olketa wanem samting nao kosim Peter for denyim Jesus?
Paragraf 10-16
3. Haomas taem nao Peter denyim Jesus, and wanem nao mekem hem duim datwan?
4. Hao nao maet iumi savve feisim sem samting wea Peter feisim?
5. Wanem samting nao savve helpem iumi for no fraet and for no kasem kaen bigfala sorre wea Peter kasem?
Chapter 31 Paragraf 1-7
1. Wanem comfort nao Bible givim long olketa wea feel sorre and lonely?
2. Nomata Jesus hem safa, wanem samting nao hem savve long hem?
3. Long wanem wei nao iumi olsem olketa sheepsheep, and wanem story nao Jesus talem abaotem wanfala sheepsheep wea lus?
Paragraf 8-12
4. Hu nao man wea olsem datfala shepherd long story bilong Jesus, and why nao wei wea iumi no savve lukim Hem, hem no important?
5. Long wanem wei nao Psalm 23 showimaot Jehovah hem lovem iumi?
Paragraf 13-15
6. Why nao olketa sheepsheep bilong God no need for fraet?
7. Hao nao Jehovah hem ting long olketa wea faithful long hem, and hao nao wei for savve long datwan shud affectim wei wea iumi ting long hem?