Service Meeting Schedule

Week Bilong March 12

Song 82

10 min: Announcement bilong kongregeson. Iusim olketa idea long page 10 or olketa nara idea wea fitim territory bilong iu for duim demonstration long February 15 Watchtower and February Awake!

15 min: “Helpem Pikinini Bilong Iu for Muv Ahed Long Ministry.” Tok and story witim audience. Duim wanfala demonstration wea wanfala mami or dadi witim pikinini iusim wanfala simpol wei for startim story witim haosholder. Long end bilong story datfala mami or dadi explainim lelebet donation arrangement long haosholder.

20 min: “Gohed for Duim Olsem for Rememberim Mi.”a Long paragraf 3, storyim hao for iusim Appendix page 206 long Bible Teach buk for explainim Memorial celebration long olketa wea iumi invaetem for kam long Memorial.

Song 74 and prea.

Week Bilong March 19

Song 20

10 min: Announcement bilong kongregeson. Talem samfala Announcement from Kingdom Ministry Bilong Iumi. Reviewim olketa main point long box “Olketa Reminder for Memorial” long page 9.

20 min: Olketa Pioneer Helpem Narawan. Tok and olketa interview wea service overseer nao conductim. Iusim aotlaen wea branch office sendem for disfala part. Reviewim Pioneer Helpem Pablisa program. Storyim olketa gud samting wea samfala long kongregeson kasem. Interviewim wanfala pioneer wea helpem wanfala pablisa and wanfala pablisa wea kasem help. Showimaot hao tufala evriwan kasem gud samting from wei for waka tugeta long ministry. Invaetem olketa narawan for mekius long disfala program for helpem narawan.

15 min: “Leta From Governing Body.” Tok and story witim audience.

Song 84 and prea.

Week Bilong March 26

Song 51

10 min: Announcement bilong kongregeson. Remindim olketa pablisa for givim field service report for March. Readim accounts report and eni thankiu leta from branch office for donation. Iusim olketa idea long page 10 or olketa nara idea wea fitim territory bilong iu for duim demonstration long March 1 Wastaoa and March Awake! witim spesol Memorial invitation. Long wanfala demonstration, pablisa hem witness long pablik ples.

15 min: Need bilong kongregeson.

20 min: “Waswe, Mi Shud Muv Go Long Taon?” Tok and story witim audience wea wanfala elder duim.

Song 63 and prea.

Week Bilong April 2

Song 79

10 min: Announcement bilong kongregeson. Storyim moa invitation wea stap long bihaen bilong Wastaoa bilong April 1, 2007, and encouragem olketa pablisa for invaetem pipol wea interest for kam long spesol pablik tok wea bae kamap long April 15.

20 min: Gohed for Helpem Olketa wea Attendim Memorial. Tok wea wanfala elder hem duim. Announcem haomas nao kam for Memorial long kongregeson and haomas interest wan kam tu. Talem eni naes experience abaotem olketa wea acceptim spesol Memorial invitation or wea askem olketa attendant bihaen long program for wanfala Bible study. Givim samfala idea long hao for helpem go moa long spiritual wei olketa wea attendim Memorial. (Lukim km-SP 3/06 p. 1, par. 5; km-SP 2/05 p. 4, par. 9; km-SP 2/04 p. 5, par. 16.) Encouragem olketa pablisa for no delay for visitim and helpem olketa hia.

15 min: “Mekem Interest Kamap Moa Big Long Wei for Visitim Man Evritaem for Givim Olketa Niu Magasin.”b Long paragraf 3, iusim samfala information from Reasoning buk, page 227-32. Iumi savve iusim disfala information for preparem olketa scripture wea iumi savve iusim for storyim gud samting wea Kingdom bae duim, and iumi savve sharem wanfala long olketa scripture hia each taem iumi duim return visit. Duim wanfala short demonstration long hao pablisa savve iusim wanfala scripture taem hem story witim man wea hem visitim evritaem for givim olketa niu magasin long hem. Pablisa shud explainim datfala scripture long wei wea bae helpem haosholder for minim klia and lukim hao samting wea disfala scripture talem hem important long laef bilong hem.

Song 66 and prea.

[Olketa Footnote]