Olketa Study Kwestin for Lane From Datfala Nambawan Teacher
Hao for duim Study insaed Teacher Buk
For studyim disfala buk long gudfala wei, bae hem gud for raetem namba for olketa paragraf long each chapter, wea insaed diswan hem olketa paragraf long introduction. Long each sekson, iu shud readim olketa paragraf wantaem, no each wan separate. Taem study hem gohed, iu savve storyim olketa scripture long end bilong chapter long taem wea hem bae fitim for duim datwan.
Taem iu studyim disfala buk long Kongregeson Buk Study, iu shud duim tufala chapter each week. Introduction nao bae first chapter. Hem bae tek 25 week for studyim disfala buk, and long last week iu bae duim Chapter 48 witim wanfala shortfala review for full buk.
Chapter 32 Paragraf 1-9
1. Long wanem wei nao Jehovah mek sure olketa pikinini bird stap sef?
2. Long wanem taem nao Jesus needim spesol protection, and Jehovah need for protectim hem from hu?
3. Long wanem wei nao Jehovah stopem pipol for killim dae Son bilong hem?
Paragraf 10-13
4. Hu nao olketa distaem wea olsem datfala baby Jesus, and why nao olketa needim protection?
5. Long wanem wei nao Satan and olketa demon trae for spoelem olketa young pikinini?
6. Hu nomoa savve duim sex, and wanem kaen wei for duim sex nao God hem tambuim?
Paragraf 14-17
7. Maet hu nao trae for duim sex witim pikinini, and long wanem wei nao olketa trae for mekem pikinini letem olketa for duim datwan?
8. Wanem nao olketa pikinini savve duim for protectim olketa seleva from pipol wea trae for duim olketa nogud samting?
9. Wanem nao parents savve duim for protectim olketa pikinini?
Chapter 33 Paragraf 1-8
1. Taem pipol tingim Jesus distaem, hao nao olketa ting long hem, bat wea nao hem distaem, and wanem nao hem duim?
2. Taem Jesus stap witim olketa disaepol bilong hem long wanfala boat, wanem nao hem duim wea showimaot hem garem bigfala paoa?
3. Why nao olketa disaepol bilong Jesus shud no fraet?
Paragraf 9-14
4. Wanem nao happen taem nara bigfala wind hem kamap?
5. Why nao Jesus duim olketa nambawan mirakol hia long datfala taem?
Paragraf 15-16
6. Long wanem wei nao Jesus iusim paoa bilong hem distaem?
7. Iumi savve luk forward long olketa wanem mirakol long future?
Chapter 34 Paragraf 1-4
1. Wanem nao iumi savve duim for faendaot abaotem samting wea happen long pipol bihaen olketa dae?
2. Toktok bilong Jesus abaotem Lazarus showimaot wanem samting abaotem dae?
Paragraf 5-10
3. Wanem nao Jesus duim taem hem kasem datfala cave wea olketa putim body bilong Lazarus?
4. Wanem nao happen taem Jesus hem singaot olsem: “Lazarus, kamaot!”?
Paragraf 11-16
5. Wanem nao happen long man taem hem dae?
6. Hao nao iumi savve Lazarus no go long heven taem hem dae?
7. Hao nao iumi savve soul bilong man no gohed for laef bihaen hem dae?
Paragraf 17-19
8. Long ples wea iu stap, wanem nao biliv bilong pipol abaotem olketa wea dae?
9. Long wanem wei nao story abaotem Lazarus helpem iumi for no fraetem olketa wea dae finis?
Chapter 35 Paragraf 1-4
1. Hao nao iumi savve sure Jehovah and Jesus laekem tumas for resurrectim olketa wea dae finis?
2. Long wanem wei nao tufala pikinini resurrect longfala taem bifor Jesus hem born?
3. Wanem nao mekem iumi sure Jehovah bae no forgetim iumi sapos iumi dae?
Paragraf 5-11
4. Wanem nao happen long dota bilong Jairus, and wanem nao Jesus duim for hem?
5. Wanem nao iumi savve lanem from disfala story insaed Bible?
Paragraf 12-18
6. Hao nao wei wea Jesus resurrectim son bilong wanfala widow woman showimaot hem barava laek for resurrectim olketa wea dae finis?
7. Long tingting bilong iu, wanem feeling nao mami bilong datfala boy garem, and wanem taem nao olketa narawan bae garem sem feeling?
Chapter 36 Paragraf 1-6
1. Olketa resurrection insaed Bible showimaot wanem?
2. Why nao olketa wea no raeteous bae resurrect, and long wea nao olketa bae stap?
3. Wanem taem nao resurrection long earth bae kamap, and wanem samting bae happen long datfala taem?
Paragraf 7-11
4. Wanem nao iumi lanem from promis wea Jesus talem long datfala criminal abaotem wei wea hem bae stap witim hem long Paradaes?
5. Long wanem wei nao Jesus bae stap long Paradaes witim datfala criminal?
6. Why nao Jesus bae letem datfala man wea hem criminal bifor for stap long Paradaes?
Paragraf 12-17
7. Hao nao iumi savve no evriwan wea resurrect bae stap long earth?
8. Haomas man nao bae insaed “datfala first resurrection,” and wanem nao olketa bae duim?
9. Why nao hem bae gud tumas for stap insaed Paradaes long earth?
Chapter 37 Paragraf 1-7
1. Wanem nambawan present nao God hem givim long iumi?
2. Why nao iumi evriwan needim wanfala niu dadi?
3. Wanem nao mekem Jesus hem kamap Dadi bilong iumi and Man for sevem iumi?
4. Wanem nao ransom, and why nao iumi needim datwan?
Paragraf 8-15
5. Long naet bifor hem dae, Jesus hipap witim olketa disaepol for celebratem wanem samting?
6. Wanem celebration nao Jesus hem startim for changem datfala Passover celebration?
7. Olketa wanem samting nao Jesus iusim long datfala niu celebration, and olketa samting hia piksarem wanem?
8. Disfala niu celebration helpem iumi for rememberim wanem samting?
Paragraf 16-18
9. Taem iumi attendim Memorial, wanem nao iumi shud tingting raonem?
10. Hu nao olketa wea shud kaikaim datfala bred and drinkim datfala wine, and why nao olsem?
11. Why nao olketa wea no kaikaim bred and no drinkim wine shud attend tu?
Chapter 38 Paragraf 1-5
1. Jesus sevem iumi from wanem samting?
2. Jesus hem dae for hu nao?
3. Wanem nao tingting and feeling bilong God abaotem pipol long earth?
Paragraf 6-12
4. Wanem nao happen long Jesus long naet bifor hem dae?
5. Storyim samting wea happen long next day.
6. Long wanem wei nao Jesus hem difren from Adam?
Paragraf 13-16
7. Long wanem wei nao Paul showimaot hem tinghae long love wea Christ garem for hem?
8. Wanem nao wanfala barava gudfala reason for lovem Jesus?
9. Long wanem wei nao iumi savve showimaot iumi iusim laef bilong iumi for mekem Christ hapi?
Chapter 39 Paragraf 1-4
1. Long tingting bilong iu, Jehovah hem feel hao taem olketa killim dae Jesus?
2. Jesus hem feel sure long wanem?
3. Jesus hem resurrect kam bak from wea nao, and hem no laef for haomas day?
Paragraf 5-13
4. Storyim samting wea happen long datfala Friday wea Jesus hem dae.
5. Wanem kaen body nao Jesus garem taem hem resurrect, and wanem nao mekem pipol fit for lukim hem bihaen?
6. Olketa wanem samting nao happen long datfala Sunday wea Jesus hem resurrect?
Paragraf 14-17
7. For haomas day nao Jesus hem garem olketa body bilong man, and wanem nao happen bihaen long datwan?
8. Long wanem wei nao plande pipol distaem celebratem resurrection bilong Jesus, bat long wanem wei nao iumi savve olsem olketa follower bilong Jesus bifor?
Chapter 40 Paragraf 1-3
1. Wanem samting nao God no needim from iumi, bat wanem nao iumi savve duim for hem?
2. Why nao Jehovah no wakem iumi olsem wanfala machine wea savve duim nomoa samting wea hem laekem iumi for duim?
Paragraf 4-7
3. Hao nao God hem feel taem iumi duim will bilong hem?
4. Why nao disison bilong iumi saed long hu iumi bae servem hem important long Jehovah and long Satan?
Paragraf 8-15
5. Wanem nao Satan hem duim long Job?
6. Long tingting bilong iu, hao nao Jehovah hem feel taem Job hem gohed for faithful?
7. Wanem example nao Jesus showimaot for iumi, and long wanem wei nao iumi savve followim hem?
Chapter 41 Paragraf 1-7
1. Wanem nao Jesus duim wantaem wea mekem parents bilong hem wari?
2. Wanem nao Jesus duim taem hem pikinini wea mekem parents bilong hem and God hapi?
Paragraf 8-12
3. Wanem nao pikinini savve duim distaem wea bae mekem God hapi?
4. Hao nao iumi bae fit for luksavve long pipol bilong God?
Paragraf 13-18
5. Long wanem wei nao example bilong Timothy savve helpem olketa young wan?
6. Wanem samting nao iumi savve lanem from example bilong wanfala Israelite gele?
7. Wanem nao gudfala goal for olketa young pipol garem?
Chapter 42 Paragraf 1-6
1. Why nao iumi savve hem no rong for enjoyim hapitaem?
2. Olsem Bible talem, Jesus lane for duim wanem waka, and long tingting bilong iu, why nao Jesus hem barava duim gud datfala waka?
3. Why nao hem gud for Jesus duim waka, and why nao hem gud for iumi duim waka tu?
Paragraf 7-13
4. Why nao Jesus hem hapi?
5. Wanem spesol waka nao Jesus duim taem hem stap long earth, and hao nao tingting bilong hem abaotem datfala waka?
6. Wanem waka nao olketa pikinini savve duim distaem, and why nao waka bilong olketa savve kamap blessing for famili?
Paragraf 14-16
7. Why nao hem important for duim skul waka?
8. Why nao iumi shud no trae for missim waka?
9. Wanem important kwestin abaotem waka nao iumi shud askem iumiseleva?
Chapter 43 Paragraf 1-7
1. Wanem nao iumi savve abaotem olketa brata and sista bilong Jesus?
2. Hu nao Jesus kolem mami and olketa brata bilong hem, and wanem nao hem minim taem hem talem datwan?
3. Long firstaem, maet hao nao olketa relative deal witim Jesus?
Paragraf 8-14
4. Wanem nao samfala example long Bible abaotem olketa brata wea no lovem each other?
5. Wanem leson nao iumi shud lanem from Cain and Abel?
Paragraf 15-18
6. Wanem nao love, and waswe, hem important for showimaot diswan?
7. Long wanem wei nao iumi savve showimaot iumi lovem olketa brata and sista bilong iumi?
Chapter 44 Paragraf 1-5
1. Olsem Abraham, wanem nao iumi mas duim mekem iumi fren bilong God?
2. Wanem kaen pipol nao Jesus chus for fren witim?
3. Hu nao samfala best fren bilong Jesus?
Paragraf 6-10
4. Why nao Jesus visitim olketa difren kaen pipol?
5. Hu nao Zacchaeus, and hao nao hem kamap fren bilong Jesus?
Paragraf 11-15
6. Why nao iumi willing for visitim pipol wea no fren bilong iumi?
7. Iu shud fren gud witim hu nao?
8. Hao bae iumi fit for luksavve long hu nao bae wanfala gud fren?
9. Long wanem wei nao olketa wea iumi kaban witim savve affectim laef bilong iumi?
Chapter 45 Paragraf 1-8
1. Wanem nao Kingdom bilong God, and wanem nao iumi savve abaotem Ruler bilong hem?
2. Long wanem wei nao Kingdom hem kam klosap long taem bilong Jesus?
3. Wanem important waka nao Jesus duim taem hem stap long earth, and hu nao helpem hem for duim datwan?
Paragraf 9-14
4. Hu nao laekem Jesus for kamap King bilong olketa, bat hu nao olketa wea no laekem datwan?
5. Hu nao laek for killim dae Jesus, and long wanem wei nao olketa changem tingting bilong nara pipol?
6. Wanem nao tingting bilong staka pipol abaotem Jesus distaem?
Paragraf 15-20
7. Long wanem wei nao iumi savve showimaot iumi lovem God?
8. Wei wea Jesus baptaes hem showimaot wanem samting, and wanem nao God duim for showimaot Hem acceptim datwan?
9. Why nao iumi tu shud baptaes, and bihaen datwan, wanem important waka nao iumi mas gohed for duim?
Chapter 46 Paragraf 1-11
1. Taem Bible hem sei “world hem gogo for finis,” wanem nao datwan hem minim?
2. Wanem nao pipol duim bifor long Flood, and why nao Jesus sei iumi shud savve abaotem datwan?
3. Wanem instruction nao God givim long Noah, and wanem nao happen taem Flood hem kam?
Paragraf 12-19
4. Wanem nao iumi savve lanem from samting wea pipol duim bifor long Flood?
5. God bae iusim wanem samting for distroem wicked pipol, and why nao hem bae distroem olketa?
6. Wanem nao Armageddon, and hu nao bae lead long datwan?
Chapter 47 Paragraf 1-11
1. Wanem samting nao bae showimaot long pipol hao Jesus hem start for rul finis long heven?
2. Taem Jesus storyim fig tree, wanem samting nao hem teachim long pipol?
3. Wanem nao samfala part bilong saen wea Jesus talem wea gohed for fulfill distaem?
Paragraf 12-16
4. Wanem nao mining bilong saen wea Jesus talem?
5. Taem Jesus story abaotem wei for trae ranawe long cold season, wanem samting nao hem teachim long iumi?
Chapter 48 Paragraf 1-8
1. Wanem nao mining bilong “niu skae” and “niu earth”?
2. Iusim olketa scripture and piksa insaed long buk for storyim olketa gud samting wea bae kamap insaed niu world bilong God.
Paragraf 9-15
3. Why nao hem important for kasem savve from Bible sapos iumi laek for laef olowe?
4. Wanem moa iumi need for duim sapos iumi laek for laef insaed niu world bilong God?
5. Long wanem wei nao disfala buk savve helpem iumi for laef olowe?