Service Meeting Schedule
Week Bilong October 8
Song 26
10 min: Announcement bilong kongregeson. Iusim olketa idea long page 10 or narafala wei for story wea fitim territory bilong iu for duim demonstration long September 15 Watchtower and September Awake! Iu savve offerim tufala evriwan nomata wanfala magasin nomoa iu storyim.
20 min: “Olketa Overseer for Shepherdim Olketa Sheepsheep.” Wanfala tok wea kam from Organized to do Jehovah’s Will buk page 45 paragraf 3 go kasem page 49 paragraf 2. Lukim insert.
15 min: “Spesol Awake! Magasin for Offerim Long November!”a Storyim lelebet olketa point wea stap insaed long Awake! magasin bilong November. Then gohed long wei for duim article olsem kwestin and ansa part. Taem iu storyim paragraf 3, duim demonstration long hao for storyim Awake! magasin bilong November. Iusim idea hia: “Long bifor kam, plande taem pipol depend long Bible for leadim olketa. Bat distaem plande pipol sei olketa no sure abaotem Bible. Wanem nao tingting bilong iu? [Letem hem ansa. Then readim 2 Timothy 3:16.] Disfala spesol Awake! magasin garem strongfala pruv hao Bible hem kam from God.” Bifor iu finisim demonstration, askem wanfala kwestin for iu ansarem taem iu duim return visit.
Song 5
Week Bilong October 15
Song 31
10 min: Announcement bilong kongregeson. Chusim samfala announcement from Kingdom Ministry Bilong Iumi.
20 min: Waswe, Truth From Bible Mekem Olketa wea Iu Teachim Garem Frut? Tok and story witim audience long information wea kam from Wastaoa bilong February 1, 2005, page 28-30. Storyim samfala point long hao olketa kwestin insaed long Wanem Bible Teachim buk hem helpem iumi luksavve samting wea insaed long heart bilong student. Storyim samfala example, olsem chapter 1, paragraf 19; chapter 2, paragraf 4; chapter 3, paragraf 24; and chapter 4, paragraf 18. Encouragem olketa pablisa for iusim gud olketa difren part long datfala buk.
15 min: Why Nao Iumi Shud Go Long Olketa Meeting? Story witim audience long information wea kam from Wastaoa bilong June 1, 2007, page 3-5.
Song 64
Week Bilong October 22
Song 78
10 min: Announcement bilong kongregeson. Readim accounts report and eni thankiu leta for olketa donation. Iusim olketa idea long page 10 or narafala wei for story wea fitim territory bilong iu for duim demonstration long October 1 Wastaoa and October Awake!
15 min: Need bilong kongregeson.
20 min: Gohed for Wakabaot Olsem Olketa Pikinini Bilong Laet. Tok and olketa interview. Iumi lusim finis darkness bilong disfala world and iumi letem laet bilong Jehovah for leadim iumi. (Eph. 5:8, 9) Diswan hem mekem laef bilong iumi for kamap moabeta, wea mekem laef for garem mining. (1 Tim. 4:8) Disfala laet hem givim iumi hope tu. (Rom. 15:4) Interviewim tu or thrifala pablisa wea kasem and winim olketa hardfala samting wea mekem olketa for garem and keepim wei for fren gud witim Jehovah. Wanem nao olketa hardfala samting wea olketa kasem taem olketa kam insaed long truth? Hao nao olketa fit for winim olketa samting hia? Long wanem wei nao laef bilong olketa hem kamap moabeta distaem? Wanem nao helpem olketa for gohed strong long truth? Finisim disfala part long wei for encouragem evriwan for gohed strong long spiritual wei and for showimaot wei for barava tinghae long truth wea Jehovah showimaot.—2 Pet. 1:5-8.
Song 80
Week Bilong October 29
Song 71
10 min: Announcement bilong kongregeson. Remindim olketa pablisa for givim field service report for October. Talem and duim demonstration long literature wea iumi bae iusim long November.
15 min: Markem Olketa Spiritual Goal for Givim Glory Long Creator Bilong Iu. Tok and story witim audience long information wea kam from Wastaoa bilong July 15, 2004, page 21-3. Askem audience for storyim olketa spiritual goal wea olketa markem and samting wea olketa duim for kasem olketa goal hia. Savve arrangem firstaem wan or tufala pablisa for redyim koment abaotem diswan.
20 min: “Helpem Pipol wea Poor for Garem Hope.”b Taem iu storyim paragraf 2, talem samfala koment from Wekap! bilong January-March, 2004, page 30-1. (Awake! bilong September 8, 2003, page 26-7).
Song 72
Week Bilong November 5
Song 67
10 min: Announcement bilong kongregeson.
15 min: Hao for Iusim Wisdom Bilong God for Protectim Pikinini Bilong Iu. Tok wea kam from Wastaoa bilong January 1, 2005, page 23-7.
20 min: “Encouragem Each Other.”c Askem audience for storyim wei wea traveling overseer encouragem olketa taem hem visitim kongregeson. Savve arrangem firstaem wan or tufala pablisa for story abaotem diswan.
Song 85
Samting for tingim: Kingdom Ministry Bilong Iumi bae markem Service Meeting for each week long taem wea olketa convention gohed. Olketa kongregeson savve mekem olketa change wea fitim from olketa bae attendim “Followim Christ!” Distrik Convention long olketa difren taem. Sapos hem fitim, iusim 15 minute long lastfala Service Meeting bifor convention for reviewim kaonsel long Kingdom Ministry Bilong Iumi long August 2007 wea fitim. Wan or tufala month bihaen convention, markem 15 go kasem 20 minute long Service Meeting (maet iusim need bilong kongregeson part) for reviewim olketa main point bilong convention wea olketa pablisa faendem hem helpem olketa long field ministry. Disfala spesol Service Meeting part bae givim iumi chance for storyim hao iumi iusim wanem iumi lanem long convention, and hao hem helpem iumi for kamap moabeta long ministry bilong iumi.
[Olketa Footnote]
a Iu mas talem introduction insaed wan minute, and duim olsem kwestin and ansa part.
b Iu mas talem introduction insaed wan minute, and duim olsem kwestin and ansa part.
c Iu mas talem introduction insaed wan minute, and duim olsem kwestin and ansa part.