Service Meeting Schedule

Week Long September 8

Song 90

10 min: Announcement bilong kongregeson. Askem kongregeson wanem story from olketa niufala magasin nao savve mekem pipol laek for herem long ples wea iumi preach. Askem kongregeson for storyim olketa kwestin and scripture wea olketa iusim for startim olketa story from olketa magasin hia. Showim hao for offerim olketa magasin hia.

15 min: Helpem Olketa Bible Study for Kamap Olketa Teacher. Tok wea kam from Februay 1, 2007, Wastaoa, page 11-​12, paragraf 14-​20. Duim shortfala demonstration wea wanfala pablisa storyim pablik tok and Wastaoa Study long niufala Bible study and askem hem for kam long meeting.

20 min: Wanem for Duim Taem Pipol Againstim Preaching. Tok wea elder duim, wea kam from olketa buk bilong iumi wea storyim wanem nao savve happen long preaching waka bilong iumi taem pipol againstim. Storyim hao iumi savve winim wei wea pipol againstim iumi. Plande taem gudfala wei bilong iumi long preaching waka and long eni nara ples savve daonem wei wea pipol againstim iumi and mekem olketa interest long olketa trufala teaching long Bible. So iumi mas keakea long toktok and wei bilong iumi evritaem. (1 Pet. 2:​12; 3:​1, 2) Storyim tu-thri naesfala story wea happen long ples wea iumi preach or samfala naes story from olketa buk bilong iumi long hao for winim wei wea pipol againstim iumi.

Song 51

Week Long September 15

Song 5

10 min: Announcement bilong kongregeson. Talem samfala announcement from Kingdom Ministry Bilong Iumi.

20 min: Wanem Nao Iumi Duim Last Year? Tok and story witim kongregeson wea service overseer or narafala elder wea fit nao duim. Storyim wanem kongregeson duim long preaching waka long last service year, mekhae long olketa gudfala samting wea evriwan duim. Talem praise wea fitim. Redyim firstaem wanfala or tufala pablisa for storyim barava naesfala story wea olketa enjoyim. Storyim wan or tufala point for kongregeson kamap gud long hem long 2009 service year, and storyim samfala samting long hao for kamap gud.

15 min: Gohed for Tingim Hao End Hem Klosap. Wanfala tok for strongim man, wea kam from January 1, 2007, Wastaoa, page 11, paragraf 17-21.

Song 42

Week Long September 22

Song 32

10 min: Announcement bilong kongregeson. Readim accounts report and eni thankiu leta from branch office for olketa donation.

20 min: “Waswe, Mi Shud Muv Go Long Taon?” Tok and story witim kongregeson wea wanfala elder duim.

15 min: Redi for Offerim July-September Wastaoa and September Awake! Askem kongregeson wanem toktok long magasin nao pipol bae barava interest long hem. Wanem kwestin and scripture nao iumi savve askem for startim story? Iusim wanfala idea from Kingdom Ministry Bilong Iumi for duim demonstration wea wanfala elder storyim wanfala story from magasin wea fitim ples wea iumi preach.

Song 84

Week Long September 29

Song 20

10 min: Announcement bilong kongregeson. Askem olketa pablisa for givim field service report for September. Redyim firstaem wan or tufala pablisa for storyim naesfala story wea olketa kasem taem olketa duim enitaem witnessing taem olketa go long distrik convention, taem olketa holiday, or long eni narafala taem.

15 min: Need bilong kongregeson.

20 min: “Spesol Waka for Givimaot Tract Long October 20–November 16!”a Sapos olketa tract kam finis, sharem wanwan tract long evriwan wea kam. Taem iu kasem paragraf 2, storyim lelebet toktok long datfala tract. Taem iu storyim paragraf 4, duim demonstration long hao for givimaot datfala tract. Taem iu storyim paragraf 5, duim demonstration wea pablisa iusim datfala tract for startim Bible study taem hem duim return visit.

Song 46

Week Long October 6

Song 72

10 min: Announcement bilong kongregeson.

15 min: Kwestin Box. Story witim kongregeson. Talem samfala toktok from June 15, 2005, Wastaoa, page 20-22, paragraf 10-​16.

20 min: “Lanem Narawan for Lovem Jehovah.”b Sapos taem hem fitim, askem kongregeson for storyim olketa scripture wea stap.

Song 54

[Olketa Footnote]