Service Meeting Schedule

Week Long October 13

Song 77

10 min: Announcement bilong kongregeson. Storyim wanem iufala bae duim for givimaot datfala spesol tract for start long October 20, and askem evriwan for tekem samfala pepa for givimaot sapos olketa no tekem yet. Lelebet reviewim samfala idea for givimaot July-September Wastaoa and September Awake! wea stap long page 8. From staka pablisa offerim olketa magasin hia for tu-thri week finis, askem olketa for storyim eni naesfala story wea olketa kasem.

35 min: “Niufala Schedule for Olketa Kongregeson Meeting.”a Sapos iu garem inaf taem, readim olketa scripture wea stap and askem kongregeson for storyim.

Song 94

Week Long October 20

Song 48

5 min: Announcement bilong kongregeson. Talem samfala announcement from Kingdom Ministry Bilong Iumi.

20 min: Gohed for Hapi Long Preaching Waka. Givim tok for strongim kongregeson wea kam from July 1, 2005 Wastaoa, page 24-​25 paragraf 11-​17. Interviewim wan or tufala faithful wakman wea servem Jehovah for longfala taem. Wanem nao mekem olketa fit for gohed hapi taem pipol no interest?

20 min: Redi for Offerim July-September Wastaoa and October Awake! Bihaen iu storyim lelebet tufala magasin hia, askem kongregeson wanem story nao olketa tingse pipol long ples wea iumi preach bae laekem. Askem olketa for storyim why nao olsem. Askem olketa for talem gudfala kwestin wea olketa plan for iusim for startim story, and wanfala scripture from datfala story for iusim bifor olketa offerim olketa magasin hia. For finisim disfala part, duim tufala demonstration for offerim magasin wea iusim idea long page 8 or narafala idea wea bae fitim pipol long ples wea iumi preach.

Song 63

Week Long October 27

Song 17

5 min: Announcement bilong kongregeson. Readim accounts report and eni thankiu leta from branch office for olketa donation.

10 min: Need bilong kongregeson.

30 min: “Study Seleva and Famili Bible Study Hem Important Tumas!”b Sapos iu garem inaf taem, readim olketa scripture wea stap and askem kongregeson for storyim.

Song 72

Week Long November 3

Song 7

10 min: Announcement bilong kongregeson. Talem olketa pablisa for givim field service report for October.

20 min: Theocratic Ministry Skul for 2009. Skul overseer for story tugeta witim kongregeson abaotem niufala Theocratic Ministry Skul from “Wanem for duim” long Theocratic Ministry Skul Schedule insert. Mekhae long olketa samting wea niu. Strongim olketa for trae hard for givim tok wea olketa kasem, for redyim koment for olketa main point from Bible, and for followim wanem skul overseer talem evri week from Kasem Gud Samting From Theocratic Ministry Skul Education.

15 min: Kamap Gud “Long Wei Bilong Iu for Teach.” Service overseer or narafala elder wea fit hem storyim lelebet faevfala point abaotem wei for teach gud from January 15, 2008 Wastaoa, page 9-12 paragraf 5-18. Interviewim wan or tufala pablisa wea disfala story hem helpem olketa for kamap gudfala moa for teach.

Song 50

[Olketa Footnote]