Wanem for Talem Abaotem Olketa Magasin

Wastaoa Oct-Dec

“From staka samting spoelem earth distaem, staka wari abaotem wanem nao bae happen long earth. Wanem nao tingting bilong iu abaotem datwan? [Weit for hem ansa. Then readim Psalm 37:11.] Disfala magasin storyim hao Bible savve helpem iumi for tingim gudfala samting.”

Awake Oct.

“Pipol long olketa difren religion garem difren tingting abaotem wanem nao barava wei bilong God. Bat hao nao Son bilong God storyim hem? Lukim toktok bilong Jesus hia long John 4:​24. [Readim.] Tufala page long disfala magasin storyim wanem Bible talem abaotem kwestin, “Wanem nao olketa wei bilong God?” Showim story long page 24 and 25.

The Watchtower Nov. 1

“Staka pipol no savve minim hao wanfala God wea love and teaching abaotem hellfire savve join tugeta. Wanem nao tingting bilong iu? [Weit for hem ansa.] Bible talem stret hao God hem no man for duim nogud samting long pipol or for pei bak. [Readim Ezekiel 18:23.] Bae iu laekem tumas wei wea disfala magasin storyim wanem Bible talem abaotem diswan.”

Awake Nov.

“Olketa pipol sei for man win hem mas garem bignem, garem staka samting, or kamap wanfala bigman. Wanem nao tingting bilong iu abaotem diswan? [Weit for hem ansa.] Bat lukim wanem Bible talem for man win. [Readim Psalm 1:​1-3.] Disfala magasin storyim sixfala wei for man win.” Showim story long page 6.