Theocratic Ministry Skul Review

Iumi bae storyim olketa kwestin hia long Theocratic Ministry Skul long week wea start long October 25, 2010. Skul overseer bae duim disfala 20-minute review wea storyim olketa samting wea kamap long olketa assignment start long week long September 6 go kasem October 25, 2010.

1. Why nao Jehovah mekem Azariah (Uzziah) kasem leprosy? (2 Ki. 15:​1-6) [w05 8/1 p. 11 par. 4]

2. Waswe, disfala mirakol wea olketa bon bilong Elisha wea mekem wanfala man laef bak sapotim kaen wei bilong religion for ting long samting wea bifor hem olsem spesol and holy? (2 Ki. 13:​20, 21) [w05 8/1 p. 11 p. 3]

3. Waswe, Hezekiah mekem agreement witim Egypt? (2 Ki. 18:​19-21, 25) [w05 8/1 p. 11 par. 5]

4. Why nao Bible story abaotem Jehovah olsem God wea ‘mekem,’ plan bilong hem for kamap tru? (2 Ki. 19:25) [w99 8/15 p. 14 par. 3]

5. Wanem nao “datfala hevi bilong Jehovah”? (2 Ki. 23:33) [w07 4/1 11-SP]

6. Why nao 1 Samuel 16:​10, 11 hem sei David hem mek-eit son bilong Jesse, bat Ezra hem sei David hem mek-seven? (1 Chron. 2:​15) [w02 9/15 p. 31]

7. Hao nao iumi savve followim wei bilong pipol long Gilead bifor? (1 Chron. 5:​10, 18-​22) [w05 10/1 p. 9 par. 7]

8. Wanem leson nao iumi savve lanem from olketa Levite wea lukaftarem gate long temple? (1 Chron. 9:​26, 27) [w05 10/1 p. 9 par. 8]

9. Why nao namba bilong olketa wea Jashobeam killim dae hem 300 and no 800 olsem namba wea 2 Samuel 23:8 hem talem? (1 Chron. 11:​11) [w05 10/1 p. 10]

10. Wanem samting wea no stret nao David duim wea 1 Chronicles 13:11 storyim? [w05 10/1 p. 11]