Waswe, Enitaem Iu Iusim Last Page Bilong Magasin?

Taem pipol tekem magasin, staka taem olketa savve luk long front kava and then kwiktaem tanem long last page bilong magasin. Long pablik magasin, hem garem olketa interesting kwestin and toktok long last page, and hem showim tu page namba wea man savve faendem olketa information insaed long magasin.

Iumi savve iusim last page hia for kasem samfala gud idea long hao for tingim olketa kwestin for startim story. Sapos iumi duim evritaem wanfala territory, iumi savve changem story bilong iumi taem iumi iusim difren kwestin long wanfala full month. Sapos haosholder hem busy, iumi savve story lelebet nomoa, then showim long hem wanfala long olketa kwestin long last page and sei, “Sapos iu laek for savve long ansa, mi givim iu olketa magasin hia, and iumi savve story moa narafala taem.” Maet samfala pablisa startim story taem olketa showim last page bilong magasin and askem haosholder for chusim wanfala kwestin wea hem interest long hem. Then maet olketa showim page wea ansa hem stap and readim wanfala scripture wea olketa chusim finis. Maet iu savve tingim samfala nara wei long hao for iusim datfala last page for mekem man interest long Wastaoa.