Part 1-Olketa Study Kwestin for Lane From Datfala Nambawan Teacher
Hao for duim Study insaed Teacher Buk
For studyim disfala buk long gudfala wei, bae hem gud for raetem namba for olketa paragraf long each chapter, wea insaed diswan hem olketa paragraf long introduction. Long each sekson, iu shud readim olketa paragraf wantaem, no each wan separate. Taem study hem gohed, iu savve storyim olketa Scripture long end bilong chapter long taem wea hem bae fitim for duim datwan.
Taem iu studyim disfala buk long Kongregeson Bible Study, iu shud duim wanfala chapter each week. Introduction nao bae first chapter. Hem bae tekem samting olsem 49 week for studyim disfala buk.
Introduction
Paragraf 1-5
1. Why nao pipol savve sei wei wea baby hem born hem wanfala mirakol?
2. Wanem nao samfala samting wea olketa pikinini needim from parents?
3. Why nao training wea Christian parents givim long pikinini hem shud followim Bible and no followim tingting bilong olketa man or kastom? (Proverbs 3:5, 6; 14:12; Isaiah 30:21)
Paragraf 6-10
4. For helpem parents teachim pikinini, olketa wanem kaen kwestin nao stap long disfala buk, and wanem samting nao mami or dadi savve lanem from ansa wea pikinini talem for olketa kwestin hia?
5. Long wanem wei nao olketa piksa savve teachim pikinini?
6. Olketa wea raetem disfala buk barava hope for wanem samting?
Chapter 1
Paragraf 1-6
1. Saed long wei wea hem teach, wanem nao Jesus fit for duim?
2. Wanem nao mekem Jesus kamap wanfala gud Son, and wanfala Nambawan Teacher?
3. Long wanem wei nao Jesus hem difren from olketa nara man?
Paragraf 7-11
4. Wanem nao mekem olketa pikinini luksavve Jesus hem lovem olketa?
5. Why nao Jesus teachim olketa pikinini, and wanem nao iumi savve lanem from example bilong hem?
6. Wanem nao Jesus hem minim taem hem sei olketa bigman mas olsem wanfala pikinini?
Paragraf 12-16
7. Wanem point nao Jesus hem teachim taem hem story abaotem olketa bird and olketa flaoa?
8. Hao nao samting wea Jesus teachim savve helpem man for disaedem sapos hem shud acceptim wanfala waka long nara province wea bae mekem hem stap farawe from famili?
9. Long tingting bilong iu, wanem samting insaed datfala Sermon long Maunten nao hem showimaot hao wei for servem God hem moa important winim eni nara samting long laef bilong iumi?
Paragraf 17-21
10. Long wanem wei nao iumi savve lisin long Jesus, and wanem gudfala samting nao iumi bae kasem sapos iumi duim datwan?
11. Long wanem taem nao God talem olketa disaepol bilong Jesus for lisin long Jesus, and wanem samting nao bae barava mekem iumi hapi?
Chapter 2
Paragraf 1-7
1. Wanem nao mekem Bible hem moa important winim evri nara buk?
2. Hu nao God iusim for raetem Bible, and why nao hem fitim for bilivim hao God savve sendem olketa message from heven?
Paragraf 8-12
3. Hu nao first man for raetem Bible, and haomas year nao olketa raetem Bible?
4. Talem nem bilong samfala man wea raetem Bible, and faendem olketa insaed olketa piksa.
5. Hao nao olketa man wea raetem Bible fit for savve firstaem olketa samting wea bae happen long future?
Paragraf 13-18
6. Why nao evriwan fit for savve long samting wea insaed leta bilong God for olketa man?
7. Wanem nao samfala important samting wea Bible talem long iumi?
8. Long wanem wei nao iumi savve showimaot iumi wise and tinghae long Word bilong God?
Chapter 3
Paragraf 1-10
1. Wanem samting abaotem wei wea God wakem iumi nao iu barava tinghae long hem?
2. Hu nao God wakem firstaem, and hao nao iumi savve long datwan?
3. Why nao God wakem olketa samting wea laef?
4. Long wanem wei nao God showimaot love long iumi?
Paragraf 11-21
5. Olketa wanem example nao iu savve iusim for pruvim hao God hem stap?
6. Why nao iumi shud no trae for wakem wanfala image and sei datwan hem God?
7. Long wanem wei nao iumi savve showimaot long God iumi tinghae long samting hem duim for iumi?
Chapter 4
Paragraf 1-6
1. Wanem samting nao showimaot hao nem bilong man hem barava important?
2. Hu nao nem bilong God, and why nao iumi shud iusim datfala nem?
3. Long wanem wei nao Jesus iusim nem bilong God and teachim olketa narawan for duim olsem tu?
Paragraf 7-14
4. Wanem nao God talem Moses abaotem nem bilong Hem?
5. Wanem nao Jehovah talem Pharaoh abaotem nem bilong Hem?
6. Long wanem wei nao Jehovah mekem evriwan savve long nem bilong hem, and hao nao hem duim datwan distaem?
Paragraf 15-19
7. Wea long Bible bilong iu nao iu savve faendem nem bilong God?
8. Long wanem wei nao iu savve showimaot iu lovem Jehovah?
Chapter 5
Paragraf 1-8
1. Why nao Son bilong God hem born long earth? (Luke 1:26-38)
2. Wanem gudfala example nao Jesus and Mary showimaot, and hao nao iumi savve followim example bilong olketa?
3. Hao nao wei wea Jesus born hem difren from evri nara man?
Paragraf 9-17
4. Olketa wanem samting nao happen long naet wea Jesus hem born?
5. Wea nao Jesus hem growap, and wanem samting nao hem duim bihaen wea mekem God hapi long hem? (Psalm 40:6-8)
6. Olketa wanem samting moa iumi savve lanem from example bilong Jesus?
Chapter 6
Paragraf 1-4
1. Klosap evriwan laekem wanem samting, and hao nao olketa disaepol bilong Jesus showimaot olketa garem sem tingting tu samfala taem?
2. Wanem samting nao Jesus duim for trae stretem tingting bilong olketa disaepol bilong hem nomata olketa no laek for followim datwan firstaem?
Paragraf 5-11
3. Wanem nao Jesus duim long naet bifor hem dae, and wanem nao olketa disaepol lanem from diswan?
4. Sapos iumi followim example bilong Jesus, olketa wanem gud samting nao bae kamaot from datwan?
Paragraf 12-17
5. Wanem gudfala samting nao iu savve duim for olketa narawan insaed famili bilong iu?
6. Wanem gudfala samting nao iu savve duim for olketa long skul and olketa nara ples?
7. Why nao iumi shud duim gudfala samting for narawan nomata olketa maet no evritaem sei thankiu?
Chapter 7
Paragraf 1-9
1. Why nao hem wise for lisin long olketa bigman?
2. Wanem samting nao iumi savve lanem from prea bilong Jesus wea stap long Luke 22:42?
3. Wanem samting nao iumi showimaot taem iumi obeyim God?
Paragraf 10-15
4. Long wanem wei nao olketa pikinini savve followim Ephesians 6:1-3, and why nao olketa shud duim olsem?
5. Long wanem wei nao wei for obey hem protectim samfala pipol bifor long Jerusalem?
Paragraf 16-19
6. Long wanem wei nao wei for obey savve protectim olketa pikinini distaem?
7. Long wanem wei nao evriwan kasem gud samting from wei for obeyim God?
Chapter 8
Paragraf 1-5
1. Hu nao moa hae and garem moa paoa winim olketa man?
2. Wanem mirakol nao God duim for mekem Jesus savve born olsem baby long earth?
3. Wanem nao Jesus talem wea showimaot hem stap long heven bifor hem kamap man?
Paragraf 6-11
4. Sapos Adam and Eve obeyim God, olketa wanem nambawan samting nao tufala bae garem?
5. Wanem important samting nao iumi savve lanem from Genesis 2:17?
Paragraf 12-19
6. Long wanem wei nao wanfala angel wea God creatim hem giamanim Eve?
7. Wanem samting nao kamaot from wei wea Adam and Eve no obeyim God?
8. Why nao wanfala gud angel hem change and kamap nogud?
9. Long wanem wei nao iumi savve followim example bilong Jesus and pruvim hao Devil hem man for laea?
Chapter 9
Paragraf 1-4
1. Taem iumi kasem temptation, why nao iumi mas no letem datwan for mekem iumi duim samting wea rong?
2. Maet wanem nao hem minim taem Bible hem sei “heven hem open” long taem wea Jesus hem baptaes?
Paragraf 5-13
3. Wanem nao first samting wea Satan duim for testim Jesus, and wanem nao Jesus duim?
4. Wanem nao mek-tu samting wea Satan duim for testim Jesus, and wanem nao Jesus duim?
5. Wanem nao iumi savve lanem from mek-thri test wea Jesus kasem?
Paragraf 14-20
6. Long wanem wei nao Devil savve switim iumi for satisfaem samting wea body laekem or for duim samting wea krangge?
7. Long wanem taem nao hem barava no isi for duim samting wea stret, bat wanem nao bae helpem iumi for duim datwan evritaem?
Chapter 10
Paragraf 1-6
1. Why nao wanfala angel hem againstim God?
2. Wanem nao samfala nara angel duim, and why nao datwan hem nogud?
3. Olketa pikinini bilong olketa angel garem wanem kaen fasin, and wanem nao God duim for stretem olketa trabol long earth?
Paragraf 7-11
4. Wanem nao Satan and olketa demon bilong hem duim distaem, and long wanem wei nao olketa savve affectim iumi?
5. Olketa wicked angel trae for mekem olketa pikinini duim olketa wanem nogud samting?
Paragraf 12-17
6. Wanem nao olketa nogud samting wea olketa nogud angel laekem, and pipol lane abaotem olketa samting hia from wanem?
7. Nomata olketa demon barava strong tumas, why nao iumi shud no fraet long olketa?
Chapter 11
Paragraf 1-11
1. Why nao iumi savve bilivim olketa samting wea iumi no savve lukim?
2. Wanem nao iumi lanem finis abaotem olketa angel wea gud and olketa angel wea nogud?
3. Wanem nao samfala samting wea olketa angel story abaotem, and wanem samting nao mekem iu feel sure olketa angel interest long iumi?
4. Long olketa wanem wei nao olketa angel helpem pipol wea lovem God bifor?
Paragraf 12-17
5. Wanem spesol waka nao olketa angel bilong God duim for olketa servant bilong hem long earth?
6. Olketa angel bilong God helpem Paul for duim wanem waka?
7. Klosap nao olketa angel bae helpem God for duim wanem important waka?
Chapter 12
Paragraf 1-7
1. Wanem nao prea, and wanem samting nao showimaot hem stret for man prea seleva and prea for nara pipol wea stap?
2. Why nao wei for sei “Amen” long end bilong prea hem fitim, and wanem nao mining bilong datwan?
3. Taem brata hem prea long meeting, why nao hem important for lisin witim wei for showimaot respect, and for no mek noise or lukluk long olketa narawan?
4. Wanem nao iumi lanem from prea bilong Nehemiah?
Paragraf 8-10
5. Iumi mas no forgetim wanem important samting abaotem prea?
6. Wanem nao samfala samting wea iumi savve story long God abaotem?
Paragraf 11-17
7. Wanem nao thrifala barava important samting wea Jesus teachim olketa follower bilong hem for prea abaotem?
8. Wanem nao olketa nara samting wea Jesus sei iumi shud prea for hem?
Chapter 13
Paragraf 1-7
1. Wanem nao hem minim for kamap disaepol bilong Jesus?
2. Hu nao first sixfala disaepol bilong Jesus, and wanem samting nao iu savve abaotem each wan long olketa?
3. Hu nao fofala disaepol wea go bak long fishing bisnis bilong olketa, bat taem Jesus invaetem olketa for followim hem, wanem nao olketa duim?
Paragraf 8-12
4. Bihaen olketa man hia kamap disaepol bilong Jesus, wanem nao olketa mas willing for duim?
5. Hu nao man wea no acceptim invitation bilong Jesus for followim hem, and why nao olsem?
6. Hu nao olketa wea Jesus chusim for kamap 12-fala aposol bilong hem?
7. Hu nao datfala aposol wea no faithful, and hu nao changem hem?
8. Hu nao olketa nara man wea kamap aposol?
Paragraf 13-16
9. Wanem samting nao showimaot olketa woman savve kamap disaepol bilong Jesus tu?
10. Wanem nao wanfala tru disaepol bilong Jesus bae duim, and wea nao bae hem duim datwan?
Chapter 14
Paragraf 1-5
1. Iumi shud hao long olketa wea no kaen long iumi?
2. Wanem nao disfala toktok bilong Jesus hem minim: ‘Iu mas forgive seventi-seven taem’?
3. Bihaen Jesus ansarem kwestin bilong Peter, wanem nao hem duim?
Paragraf 6-13
4. Long wanem wei nao datfala king hem deal witim slave wea kaonem bigfala selen long hem?
5. Long wanem wei nao datfala slave hem deal witim narafala slave wea kaonem smol selen long hem?
6. Wanem nao king duim taem hem faendaot hao datfala slave wea hem forgivim no willing for forgivim narawan?
Paragraf 14-18
7. Hu nao olsem datfala king long story bilong Jesus?
8. Wanem nao iu lanem from disfala story bilong Jesus?
9. Wanem nao bae iu duim sapos samwan askem iu for forgivim hem, nomata sapos iu forgivim hem plande taem finis?
Chapter 15
Paragraf 1-7
1. Long wanem wei nao man savve daonem narawan, and long tingting bilong iu, why nao datwan hem rong?
2. Taem wanfala man wea ting daonem nara pipol askem Jesus for talem hem samting wea hem mas duim for kasem laef olowe, firstaem, Jesus hem sei wanem?
3. Wanem nao datfala man hem talem for mekem hem garem excuse for wei wea hem ting daonem nara pipol?
Paragraf 8-15
4. Wanem story nao Jesus talem long datfala man for helpem hem garem stretfala tingting?
5. Wanem nao Jesus askem datfala man taem hem finis for talem story bilong hem, and wanem nao ansa bilong datfala man?
Paragraf 16-19
6. Olsem story bilong Jesus showimaot, hu nao neiba bilong iumi?
7. Hao nao iumi savve Jehovah hem no ting daonem eniwan?
8. Wei for duim olketa wanem samting nao bae mekem iumi wanfala gud neiba?