Announcement

◼ Buk for iusim long June: Wanem Nao Really Samting wea Bible Teachim? Sapos haosholder garem finis datfala buk, pablisa savve offerim eni 192-page buk wea old or eni buk wea olketa printim bifor 1995. July and August: Eni 32 page brochure wea stap long buk rum. September: Wanem Nao Really Samting wea Bible Teachim? Trae for startim olketa Bible study long firstaem iu meetim man. Sapos haosholder garem finis datfala buk and no laekem Bible study, olketa pablisa savve offerim eni old magasin or eni brochure wea datfala man interest long hem.

◼ Samting olsem 2,129 brata and sista enjoyim spesol tok wea garem title “Iumi Mas Hapi and No Wari” long Sunday, March 13, 2011. Datfala tok kamap long Honiara Kingdom Hall and olketa wea hipap long Kwainaketo Kingdom Hall herehere tu thru long telephone. Brata Leon Weaver, Jr. wea hem wanfala zone overseer wea kam from United States Branch nao givim datfala tok. Datfala tok wea kam from Acts 27:25 encouragem iumi evriwan for iumi mas hapi and no wari nomata iumi feisim hard taem, bikos iumi trustim Jehovah and iumi savve olketa promis bilong hem bae kamap tru.

◼ Long samfala kongregeson long Honiara, namba bilong olketa wea attendim meeting hem dabol winim olketa pablisa long kongregeson. From disfala increase, start long May 1, 2011, fofala kongregeson long Honiara kamap faevfala kongregeson, wea diswan hem for helpem olketa wea laekem samting wea stret. (Matt. 5:6)