Wanem for Talem

For Startim Bible Study Long First Saturday Long July

“Iumi evriwan garem olketa famili member or fren wea dae finis. Waswe, iu ting enitaem bae iu lukim olketa moa? [Weit for hem ansa.] Lukim disfala naes toktok.” Readim and storyim information anda long firstfala heding long page 16 long July-September Wastaoa and wanfala scripture long datfala sekson. Offerim magasin, and markem taem for kam bak and storyim ansa bilong next kwestin.

The Watchtower June 1

“Staka pipol stragol for kasem wanem olketa needim, and samfala no garem wanem olketa needim for laef. Waswe, iu tingse enitaem wei for poor bae finis? [Weit for hem ansa. Then readim Psalm 9:18.] Disfala magasin storyim wanem nao kosim wei for poor, and wanem Bible sei bae stretem datfala problem.”

Awake! June

“Terrorism kamap bigfala problem long world distaem. Wanem nao iu tingse hem kosim terrorism? [Weit for hem ansa.] Disfala scripture givim iumi hope. [Readim Psalm 72:7, 14.] Disfala magasin storyim samfala reason why pipol duim terrorism, and wanem Bible talem abaotem hao and wanem taem nao terrorism bae finis.”