Storyim Wanfala Subject, Bat Offerim Tufala Magasin
Wastaoa and Awake! magasin wea iumi kasem each month garem staka difren subject. Winim wei for storyim tu-thri subject long haosholder, hem gud for storyim wanfala subject nomoa. Sapos iumi garem wei for luksavve and iumi savve long wanem nao insaed long olketa magasin, iumi savve storyim wanfala subject from Wastaoa or Awake! magasin wea haosholder bae interest long hem. Olsem example, sapos iumi luksavve olketa long haos garem pikinini, maet iumi savve storyim wanfala article abaotem famili. Sapos haosholder hem man, maet iumi savve storyim subject wea staka man interest long hem, olsem gudfala gavman. Nomata iumi storyim wanfala subject nomoa, hem gud for offerim tugeta Wastaoa and Awake! magasin sapos haosholder interest.