Jesus Dae for Olketa Tu

Jesus sakrifaesim laef bilong hem for pipol wea sin. (Ro 5:8) Iumi evriwan tinghae long love wea Jesus showimaot taem hem dae for iumi. Nomata olsem, iumi mas tingim Christ hem dae for olketa brata and sista bilong iumi tu. Iumi evriwan no perfect. So hao nao iumi savve showimaot love long olketa? Tingim thrifala samting wea iumi savve duim. First samting, iumi laek for fren witim olketa brata and sista wea garem difren kaen living. (Ro 15:7; 2Co 6:12, 13) Mek-tu samting, iumi mas careful long samting wea iumi talem or duim wea savve mekem narawan feel nogud. (Ro 14:13-15) Last samting, sapos eniwan duim nogud samting long iumi, iumi mas willing for forgivim hem. (Lu 17:3, 4; 23:34) Sapos iumi waka hard for followim example bilong Jesus long olketa wei hia, Jehovah bae gohed blessim kongregeson for garem peace and wan mind.

LUKIM VIDEO SHOWIMAOT OLKETA GUDFALA WEI!, THEN ANSAREM OLKETA KWESTIN HIA:

• 

  Hao nao feeling bilong Miki taem hem just joinim niu kongregeson?

• 

  Wanem nao mekem feeling bilong hem for change?

• 

  Hao nao example bilong Jesus helpem Miki for stretem tingting bilong hem? (Mr 14:38)

• 

  Hao nao Proverbs 19:11 savve helpem iumi for garem stretfala tingting abaotem olketa brata and sista?