“No Wari”

Jehovah helpem olketa wea poor lo Israel bifor. Lo olketa wanem wei nao hem helpem olketa servant blo hem wea poor distaem?

• Hem teachim olketa for garem balance tingting abaotem selen.​—Lu 12:15; 1Ti 6:6-8

• Hem helpem olketa for respectim olketa seleva.​—Job 34:19

• Hem teachim olketa for waka hard and for stap klia lo samfala wei wea savve spoelem olketa.​—Provebs 14:23; 20:1; 2Co 7:1

• Hem mekem olketa for kam insaed lo Christian famili wea lovem each other.​—Joh 13:35; 1Jo 3:17, 18

• Hem givim olketa hope.​—Sams 9:18; Aesaea 65:21-23

Nomata wanem situation nao iumi insaed, iumi no need for wari. (Aesaea 30:15) Jehovah bae provaedem wanem iumi needim sapos iumi gohed for putim Kingdom blo hem first lo laef blo iumi.​—Mt 6:31-33.

WATCHIM VIDEO LOVE NO SAVVE FINIS NOMATA . . . IU POOR—CONGO, AND THEN ANSAREM OLKETA KWESTIN HIA:

• 

  Hao nao olketa brata wea stap klosap lo ples wea regional convention kamap savve showimaot love taem olketa welkamim olketa wea travel kam for convention?

• 

  Wat nao disfala video teachim iu abaotem wei wea Jehovah lovem olketa wea poor?

• 

  Hao nao iumi savve followim example blo Jehovah nomata haomas material samting iumi garem?