Kasem Heart blo Man

Man mas obeyim God from heart. (Provebs 3:1) Dastawe, taem iumi teach, iumi mas traem best for kasem heart blo olketa wea lisin. Hao nao for duim?

No just teachim student abaotem olketa truth lo Bible nomoa, bat helpem hem for luksavve hao diswan join witim wanem hem duim lo laef and wei wea hem fren witim Jehovah. Helpem hem for luksavve hao olketa standard lo Bible hem showimaot love blo God, gudfala wei blo hem, and wei wea hem raeteous. Askem olketa kwestin lo wei wea showimaot respect for helpem hem ting raonem hao nao feeling blo hem abaotem wanem hem lanem. Helpem hem for ting raonem olketa gud samting wea bae hem kasem sapos hem stretem eni rong tingting wea hem garem or lusim eni nogud wei blo hem. Taem iu lukim hao student blo iu hem lovem Jehovah from heart blo hem, datwan bae mekem iu barava enjoyim ministry blo iu.

WATCHIM VIDEO HAPI TAEM IUMI KAMAP GUD LO WAKA FOR MEK DISAEPOL—​KASEM HEART BLO MAN, AND THEN ANSAREM OLKETA KWESTIN HIA:

• 

  Why nao Neeta askem Jade: “Hao, iu ting raonem tu wat iumi tufala storyim lo Monday?”

• 

  Hao nao Neeta helpem Jade for luksavve dat olketa standard lo Bible hem showimaot Jehovah lovem hem?

• 

  Hao nao Neeta helpem Jade for ting raonem hao for hem showimaot hem lovem God?