Helpem Bible Study for No Fren Witim Pipol wea Garem Nogud Wei

For Bible study kamap fren blo Jehovah, hem mas chus for associate witim pipol wea garem gudfala wei. (Sams 15:1, 4) Datwan bae helpem olketa for duim stret samting.​—Provebs 13:20; lff leson 48.

Iu need for tingim feeling taem iu helpem Bible study blo iu for no fren witim pipol wea garem nogud wei. Olketa maet faendem hem hard for lusim olketa frens blo olketa lo world. So, showimaot iu kaen and interest lo olketa lo narafala taem tu. Insaed diswan hem wei for textim, ringim, or for go visitim olketa. Taem Bible study blo iu isisi muv ahed, invaetem hem for associate witim pipol blo God. Datwan bae helpem olketa for luksavve lo gud samting wea olketa bae kasem. (Mr 10:29, 30) Iu tu bae hapi taem iu lukim famili blo Jehovah hem gohed for grow.

WATCHIM VIDEO HELPEM BIBLE STUDY FOR NO FREN WITIM PIPOL WEA GAREM NOGUD WEI, AND THEN ANSAREM OLKETA KWESTIN HIA:

• Wat nao nogud association?—1Co 15:33

• Hao nao tingting blo Jade abaotem hapitaem blo olketa Christian?

• Hao nao Neeta helpem Jade for lusim nogud association?