LAEF BLO CHRISTIAN
Jehovah Hem ‘Dadi blo Olketa wea No Garem Dadi’
Evri year, staka young wan chus for fren witim Jehovah. (Ps 110:3) Jehovah barava tingim each wan lo iufala. Hem luksavve lo olketa challenge wea iu feisim and hem promis for helpem iu for servem hem. If iu growap lo famili wea dadi or mami nomoa lukaftarem iu, tingim dat Jehovah hem ‘dadi blo olketa wea no garem dadi.’ (Ps 68:5) Jehovah savve trainim iu for gohed strong nomata wat nao situation blo iu lo famili.—1Pe 5:10.
WATCHIM VIDEO OLKETA FAET STRONG FOR GAREM STRONG FAITH—OLKETA WEA DADI OR MAMI NOMOA LUKAFTAREM OLKETA, AND THEN ANSAREM OLKETA KWESTIN HIA:
Wat nao iu lanem from example blo Tammy, Charles, and Jimmy?
Hao nao toktok lo Psalm 27:10 savve encouragem olketa wea dadi or mami nomoa lukaftarem olketa?