APRIL 1-7
PSALM 23-25
Song 4 and Prea | Introduction (1 min.)
1. “Jehovah Nao Hem Shepherd blo Mi”
(10 min.)
Jehovah leadim iumi (Ps 23:1-3; w11-E 5/1 31 ¶3)
Jehovah protectim iumi (Ps 23:4; w11-E 5/1 31 ¶4)
Jehovah feedim iumi (Ps 23:5; w11-E 5/1 31 ¶5)
Jehovah lukaftarem gud olketa servant blo hem olsem wanfala shepherd lukaftarem gud olketa sheepsheep blo hem.
ASKEM IUSELEVA, ‘Hao nao Jehovah lukaftarem mi?’
2. Faendem Gudfala Point
(10 min.)
Ps 23:3—Wat nao “olketa road blo raeteous fasin,” and wat nao savve helpem iumi for no go difren from olketa road hia? (w11 2/15 24 ¶1-3)
Wat nao eni gudfala point wea iu laek for sharem from Bible reading dis week?
3. Bible Reading
(4 min.) Ps 23:1–24:10 (th study 5)
4. Hao for Startim Story
(3 min.) ENITAEM WITNESSING. Showim wanfala encouraging Bible verse witim samwan wea talem iu dat hem wari abaotem environment. (lmd leson 2 point 5)
5. Hao for Continue lo Story
(4 min.) HAOS TU HAOS. Showim hao for duim Bible study witim samwan wea acceptim Enjoyim Laef Olowe! brochure. (lmd leson 9 point 3)
6. Hao for Mek Disaepol
(5 min.) lff leson 14 point 4 (lmd leson 11 point 3)
Song 54
7. Rejectim Voice blo “Difren Man”
(15 min.) Story tugeta witim kongregeson.
Olketa sheepsheep savve herem voice blo shepherd blo olketa and followim. Bat, olketa savve ranawe from difren man bikos olketa no savve lo voice blo hem. (Joh 10:5) Lo sem wei tu, iumi lisin lo voice blo Jehovah and Jesus wea tufala nao spiritual Shepherd blo iumi, wea evritaem lovem iumi and iumi fit for trustim. (Ps 23:1; Joh 10:11) Bat iumi rejectim voice blo stranger or difren man wea laek for mekem faith blo iumi wikdaon thru lo “olketa laea toktok.”—2Pe 2:1, 3.
Genesis chapter thri story abaotem firstaem wea samwan lo earth herem voice blo wanfala stranger. Satan story lo Eve lo wei wea mekem Eve no luksavve hu nao hem. Hem pretend for olsem fren blo Eve and hem twistim toktok wea Jehovah talem and laea abaotem Jehovah. Sorre samting nao, Eve hem lisin lo hem, result blo datwan nao, hem and famili blo hem safa.
Distaem Satan trae for mekem pipol for daotem Jehovah and organization blo hem lo wei for spredim olketa negative report, story wea haf tru, and olketa story wea barava no tru. Taem iumi herem voice blo stranger or difren man, iumi mas ranawe. Nomata sapos iumi lisin for lelebet taem nomoa, datwan hem dangerous. Tingim, haomas toktok nao Satan talem lo Eve for laea lo hem? (Ge 3:1, 4, 5) Bat, waswe sapos samwan wea lovem iumi and laek for helpem iumi, hem start for sharem samfala negative information abaotem organization blo Jehovah?
Pleim VIDEO Mas No Laek Herem Toktok blo “Difren Man.” Then askem audience:
Wat nao iu lanem from hao Jade deal witim situation wea kamap witim mami blo hem wea no Witness?
8. Kongregeson Bible Study
(30 min.) bt chap. 8 ¶1-4, box lo page 61-62