JULY 15-21

GUD SAMTING FROM BIBLE

1. “Loyal Love blo Iu Hem Gud Go Moa Winim Laef”

(10 min.)

For fren gud witim God hem barava spesol winim laef blo iu (Ps 63:3; w01 10/15 15-16 ¶17-18)

Taem iumi ting raonem hao Jehovah showim loyal love, datwan bae mekem iumi for tinghae go moa lo hem (Ps 63:6; w19.12 28 ¶4; w15 10/15 24 ¶7)

Wei for tinghae lo loyal love blo God muvim iumi for hapi for praisem hem (Ps 63:4, 5; w09 7/15 16 ¶6)

Olketa piksa: Wanfala sista readim Bible. 1. Hem hapi tumas for waka witim nara sista lo ministry. 2. Hem koment lo meeting.

IDEA FOR FAMILI WORSHIP: Storyim tugeta olketa difren wei wea Jehovah showim loyal love lo iu.

2. Faendem Gudfala Point

(10 min.)

Ps 64:3—Hao nao disfala verse encouragem iumi for gohed talem gudfala toktok for strongim narawan? (w07-E 11/15 15 ¶6)

Ansa blo iu
Wat nao eni gudfala point wea iu laek for sharem from Bible reading dis week?

Ansa blo iu

3. Bible Reading

(4 min.) Ps 63:1–64:10 (th study 12)

DUIM GUD MINISTRY BLO IU

4. Hao for Startim Story

(2 min.) HAOS TU HAOS. Datfala Haosholder hem no story lo languis blo iu. (lmd leson 3 point 4)

5. Hao for Startim Story

(2 min.) ENITAEM WITNESSING. Story blo iutufala hem finis taem iu no start for givim witness yet. (lmd leson 2 point 4)

6. Hao for Startim Story

(3 min.) PABLIK WITNESSING. Faendaot which topic nao datfala person interest lo hem, and arrange for continue moa lo story. (lmd leson 1 point 5)

7. Explainim Wat Iu Bilivim

(4 min.) Demonstration. ijwfq 51—Theme: Why Nao Olketa Jehovah’s Witness Go Bak for Story Witim Pipol wea Sei Olketa “No Interest” Bifor? (lmd leson 4 point 3)

LAEF BLO CHRISTIAN

8. Hao Iumi Showimaot Iumi Lovem God

(15 min.) Story tugeta witim kongregeson.

“Loyal love blo [Jehovah] hem big tumas.” (Ps 86:15) Datfala toktok “loyal love” hem minim kaen love wea iumi garem only for samwan wea iumi lovem tumas, gohed faithful lo hem, loyal and barava fren klos witim hem. Nomata Jehovah lovem evriwan, “loyal love” hem kaen love wea hem showim nomoa for olketa wea worshipim hem, olketa wea garem spesol wei for fren witim hem. (Ps 33:18; 63:3; Joh 3:16; Ac 14:17) Iumi savve showim iumi tinghae lo loyal love blo Jehovah taem iumi tu showim loyal love lo hem. Hao? Lo wei for obeyim olketa komandment blo hem, includim datfala komand for mekem pipol “kamap disaepol.”—Mt 28:19; 1Jo 5:3.

Pleim VIDEO Gohed Showimaot Love lo Ministry. Then askem audience:

Hao nao love muvim iumi for sharem gud nius nomata

Wanfala piksa from video “Gohed Showimaot Love lo Ministry.” Dadi lo datfala video sleep lo wanfala sofa afta hem arrive lo haos from waka.

iumi taed?

Ansa blo iu

Wanfala piksa from video “Gohed Showimaot Love lo Ministry.” Wanfala haosholder hem kros and tok raf lo datfala dadi and son blo hem taem tufala lo ministry.

pipol againstim iumi?

Ansa blo iu

Wanfala piksa from video “Gohed Showimaot Love lo Ministry.” Datfala Mami and smol gele blo hem story witim wanfala wakaman lo supermarket.

iumi busy lo olketa waka blo iumi evriday?

Ansa blo iu

9. Kongregeson Bible Study

(30 min.) bt chap. 12 ¶14-20