JULY 22-28

GUD SAMTING FROM BIBLE

1. Jehovah Karem Load blo Iumi Evriday

(10 min.)

Jehovah lisin lo olketa prea blo iumi and hem ansarem (Ps 66:19; w23.05 12 ¶15)

Jehovah luksavve lo need blo olketa wea no garem eniwan for helpem olketa (Ps 68:5; w10-E 12/1 23 ¶6; w09-E 4/1 31 ¶1)

Jehovah helpem iumi each day (Ps 68:19; w23.01 19 ¶17)

Olketa piksa: Wanfala sista prea staka taem lo day. 1. Lo morning taem hem getap from bed. 2. Prea witim olketa pikinini blo hem bifor olketa go skul. 3. Lo waka ples.

FOR TING RAONEM: Hao nao iumi savve letem Jehovah for karem load blo iumi?

2. Faendem Gudfala Point

(10 min.)

Ps 68:18—Lo taem blo olketa Israelite, hu nao “olketa man wea olketa olsem present”? (w06 6/1 14 ¶4)

Ansa blo iu
Wat nao eni gudfala point wea iu laek for sharem from Bible reading dis week?

Ansa blo iu

3. Bible Reading

(4 min.) Ps 66:1-20 (th study 11)

DUIM GUD MINISTRY BLO IU

4. Hao for Startim Story

(3 min.) HAOS TU HAOS. Haosholder kam from difren kantri, story lo difren languis, or garem difren culture. (lmd leson 5 point 3)

5. Hao for Continue lo Story

(4 min.) HAOS TU HAOS. Continue lo story insaed tract wea iu lusim lo last visit. (lmd leson 9 point 3)

6. Hao for Mek Disaepol

(5 min.) lff leson 15 introduction and point 1-3 (th study 8)

LAEF BLO CHRISTIAN

7. Hao, Iu Savve Mekem Load wea Samwan Karem for No Hevi Tumas?

(15 min.) Story tugeta witim kongregeson.

No eni servant blo God hem deal seleva witim olketa hard taem lo laef blo hem. (2Ch 20:15; Ps 127:1) Jehovah hem stap for helpem iumi. (Isa 41:10) Wat nao samfala wei wea Jehovah helpem iumi? Hem givim help thru lo Bible and organization blo hem. (Isa 48:17) Hem givim iumi paoaful holy spirit blo hem. (Lu 11:13) Hem muvim tu olketa brata and sista for encouragem iumi and givim physical need blo iumi. (2Co 7:6) Diswan minim Jehovah savve iusim eniwan lo iumi for help, for mekem load blo eni brata or sista blo iumi no hevi tumas.

Wanfala piksa from video “Gohed Showimaot Love Insaed Kongregeson—⁠Lo Olketa Olo.” Sista Paulina Sántiz Gómez smile taem hem standap aotsaed haos blo hem.

Pleim VIDEO Gohed Showimaot Love Insaed Kongregeson —Lo Olketa Olo. Then askem audience:

Wat nao iu savve duim for help mekem load wea olketa olo karem no hevi tumas?

Ansa blo iu

Wanfala piksa from video “Gohed Showimaot Love Insaed Kongregeson—⁠Lo Olketa wea Duim Full-Taem Service.” Joseph and Anita DeVito waka tugeta lo field ministry.

Pleim VIDEO Gohed Showimaot Love Insaed Kongregeson —Lo Olketa wea Duim Full-Taem Service. Then askem audience:

Wat nao iu savve duim for help mekem load blo olketa wea duim full-taem service no hevi tumas?

Ansa blo iu

Wanfala piksa from video “Gohed Showimaot Love Insaed Kongregeson—⁠Lo Pipol From Difren Ples.” Bill and Maggie Zeng smile taem tufala insaed Bible study course.

Pleim VIDEO Gohed Showimaot Love Insaed Kongregeson —Lo Pipol From Difren Ples. Then askem audience:

Wat nao iu savve duim for help mekem load blo olketa wea go thru lo hard taem no hevi tumas?

Ansa blo iu

8. Kongregeson Bible Study

(30 min.) bt chap. 13 ¶1-7, introduction blo sekson 5, and box lo p. 103