JANUARY 20-26
PSALMS 138-139
Song 93 and Prea | Introduction (1 min.)
1. No Letem Wei for Fraet Mekem Iu Hol Bak
(10 min.)
Iumi laek for praisem Jehovah witim full heart blo iumi (Ps 138:1)
Taem iu fraet for givim koment lo meeting, depend lo Jehovah for helpem iu (Ps 138:3)
Wei for fraet hem wanfala gud saen (Ps 138:6; w19.01 10 ¶10)
IDEA: Iumi bae no fraet tumas sapos iumi redyim olketa short koment.—w23.04 21 ¶7.
2. Faendem Gudfala Point
(10 min.)
Ps 139:21, 22—Hao, olketa Christian mas forgivim evriwan? (it-1-E 862 ¶4)
Wat nao eni gudfala point wea iu laek for sharem from Bible reading dis week?
3. Bible Reading
(4 min.) Ps 139:1-18 (th study 2)
4. Hao for Startim Story
(3 min.) PABLIK WITNESSING. (lmd leson 2 point 3)
5. Hao for Mek Disaepol
(4 min.) PABLIK WITNESSING. Offerim and showim hem hao iumi duim wanfala Bible study. (lmd leson 10 point 3)
6. Tok
(5 min.) ijwyp article 105-E—Theme: Hao Nao Mi Savve Deal Witim Wei for Feel Shame? (th study 16)
Song 59
7. Iu Savve Enjoyim Ministry Nomata Iu Man for Shame
(15 min.) Story tugeta witim kongregeson.
Waswe, iu ting lo iuseleva olsem iu man for shame? Hao, iu no laekem pipol for lukim iu? Hao, heart blo iu pampam tumas taem iu tingim dat iu mas story witim olketa narawan? Samfala taem, wei for shame savve mekem iumi hol bak for duim wat iumi laek for duim. Nomata olsem, staka wea lo firstaem olketa savve shame, distaem olketa fit nao for duim ministry and olketa barava enjoyim datwan. Wat nao iumi savve lanem from example blo olketa?
Pleim VIDEO Mi Duim Best blo Mi Nomata Mi Shame. Then askem audience:
Hao nao Sista Lee kasem gud samting from hem followim advaes blo granmami blo hem for “givim evri best for servem Jehovah”?
Bible storyim Moses, Jeremiah, and Timothy tu stragol witim feeling for shame. (Ex 3:11; 4:10; Jer 1:6-8; 1Ti 4:12) Nomata olsem, from help blo Jehovah olketa fit for duim staka samting lo service blo hem. (Ex 4:12; Jer 20:11; 2Ti 1:6-8)
Readim Isaiah 43:1, 2. Then askem audience:
Wanem nao Jehovah promisim lo olketa wea worshipim hem?
Hao nao Jehovah savve helpem olketa wea feel shame for enjoyim ministry blo olketa distaem?
Pleim VIDEO For Baptaes Bae Mekem Iu Barava Hapi—Excerpt. Then askem audience:
Hao nao Sista Jackson luksavve Jehovah strongim and sapotim hem lo ministry blo hem?
Hao nao wei for duim ministry savve helpem man wea feel shame?
8. Kongregeson Bible Study
(30 min.) bt chap. 21 ¶8-13, box lo p. 169