JANUARY 27–FEBRUARY 2
PSALMS 140-143
Song 44 and Prea | Introduction (1 min.)
1. Duim Samting Followim Wat Iu Prea Abaotem
(10 min.)
Willing for acceptim advaes or kaonsel (Ps 141:5; w22.02 12 ¶13-14)
Ting raonem olketa samting wea Jehovah duim for sevem pipol blo hem (Ps 143:5; w10 3/15 32 ¶4)
Traem best for garem tingting blo Jehovah abaotem samting (Ps 143:10; w15 3/15 32 ¶2)
Psalms 140-143 no storyim nomoa wei wea David barava ask for help, bat hem garem tu olketa toktok wea showim hem duim samting followim wat hem askem.
2. Faendem Gudfala Point
(10 min.)
Ps 140:3—Why nao David comparem tongue blo olketa nogud man olsem tongue blo snek? (it-2-E 1151)
Wat nao eni gudfala point wea iu laek for sharem from Bible reading dis week?
3. Bible Reading
(4 min.) Ps 141:1-10 (th study 12)
4. Hao for Startim Story
(4 min.) ENITAEM WITNESSING. Startim story bihaen iu duim samting for helpem samwan. (lmd leson 3 point 5)
5. Hao for Continue lo Story
(3 min.) PABLIK WITNESSING. Datfala person talem iu hem busy. (lmd leson 7 point 3)
6. Explainim Wat Iu Bilivim
(5 min.) Demonstration. ijwfq article 21—Theme: Why Nao Olketa Jehovah’s Witness No Acceptim Blood Transfusion? (th study 7)
Song 141
7. Redi Distaem for Eni Situation wea Needim Medical Treatment Or Operation
(15 min.) Story tugeta witim kongregeson.
Jehovah promisim dat “hem redi evritaem for helpem iumi lo taem blo trabol.” (Ps 46:1) Olketa situation wea needim medical treatment or operation savve mekem iumi stress tumas. Nomata olsem, Jehovah provaedem evriting wea iumi needim for prepare for olketa situation olsem. For example, organization blo hem provaedem datfala durable power of attorney (DPA), Identity Card,a and olketa document wea garem olketa nara medical informationb and datfala Hospital Liaison Committee (HLC). Olketa samting hia helpem iumi for obeyim law blo God abaotem blood.—Ac 15:28, 29.
Pleim VIDEO Hao Iu Prepare Finis for Olketa Medical Situation? Then askem audience:
Wanem gud samting nao samfala kasem taem olketa fillimap DPA card?
Wanem gud samting nao samfala kasem from disfala document Information for Olketa Mami wea Babule (S-401)?
Why nao hem gud for kwiktaem contactim HLC taem iu mas admit lo hospital, operate, or kasem eni medical treatment, olsem treatment for cancer, nomata maet luk olsem datfala situation no needim blood?
8. Kongregeson Bible Study
(30 min.) bt chap. 21 ¶14-22
Conclusion (3 min.) | and Prea
a Olketa wea baptaes finis savve kasem wanfala DPA card for olketa seleva from literature servant, and Identity Card for pikinini wea no kasem yet age for disaed seleva.
b Iu savve askem olketa instruction hia from olketa elder lo taem iu needim, Information for Olketa Mami wea Babule (S-401), Information for Olketa wea Bae Operate or Kasem Chemotherapy (S-407), and Information for Parents Whose Child Requires Medical Treatment (S-55-E).