Drawim Piksa for Helpem Iu Remember

Maet iu savve faendem hem hard for rememberim wat iu studyim, olsem hem happen lo staka lo iumi. Bat hao, iu savve rememberim wat Jesus teachim taem hem iusim olketa illustration or tokpiksa? Hem isi for piksarem lo mind, and hem savve helpem iu for rememberim. Lo sem wei tu, iu savve rememberim staka information lo study blo iu taem iu piksarem lo mind blo iu wat iu lanem. Hao nao iu savve duim datwan? Drawim olketa piksa lo wat iu lanem.

Pipol wea drawim piksa abaotem olketa niu samting wea olketa lanem, staka taem hem isi for olketa rememberim wat olketa lanem. Wei for drawim olketa piksa helpem olketa for rememberim no just olketa word nomoa bat olketa main point. Datwan no minim olketa piksa iu drawim mas olsem artist, bat hem savve simpol nomoa. And research showimaot dat disfala idea hem savve helpem olketa olo tu.

Next taem iu study, trae for drawim samfala piksa abaotem wat iu lanem. Maet bae iu sapraes lo hao many samting wea iu savve remember!