Jesus Bae Finisim War

Taem Jesus lo earth, hem showim big love lo pipol gogo hem sakrifaesim laef blo hem for olketa. (Matthew 20:28; John 15:13) Klosap hem bae pruvim moa hem lovem pipol taem hem iusim paoa wea hem garem from hem King lo Kingdom blo God for “finisim olketa war lo evri ples lo earth.”—Psalm 46:9.

Lukim hao Bible describem wat Jesus bae duim:

• “Hem bae rescuem olketa wea poor, wea krae for help, witim tu olketa wea pipol ting daonem, and olketa wea no garem eniwan for helpem olketa. Hem bae feel sorre lo olketa wea pipol ting daonem and wea poor, and hem bae sevem laef blo olketa wea poor. Hem bae rescuem olketa from violence and wei for safa.”—Psalm 72:12-14.

Hao nao iumi savve showim iumi appreciatim evriting wea Jesus duim finis, and bae klosap duim for iumi? Wanfala wei hem for lanem moa samting abaotem datfala “gud nius abaotem Kingdom blo God,” wea hem nao message wea Jesus preachim. (Luke 4:43) Readim disfala article “Wanem Nao Kingdom blo God?”