Bae No Lonely Taem Helpem Pipol—⁠Wat Nao Bible Sei?

Evriwea lo world, samfala pipol lonely and ting olketa no savve garem olketa klos frens. Samfala health experts sei taem samwan helpem pipol, datwan mekem hem no lonely, and for garem olketa klos frens.

• “Taem iumi helpem pipol wea garem need, hem mekem iumi for garem purpose lo laef, no lonely, and for garem olketa klos frens.”—U.S. National Institutes of Health.

Bible hem givim practical advaes lo wat iumi savve duim for helpem pipol. Taem iumi applyim wat hem talem, iumi bae no lonely.

Wat iu savve duim

Hapi for give. Lukaotem chance for spendem taem witim pipol, especially for duim inperson. Willing for sharem wat iu garem. Taem iu duim olsem, pipol bae showim hao olketa appreciatim datwan, and iu savve garem olketa frens.

• Bible principle: “Iufala givim samting long nara pipol, and olketa bae givim samting long iufala.”—Luke 6:38.

Iusim strong blo iu for help. Lukaotem wei for helpem pipol wea feisim olketa hard situation. Datwan includim wei for barava lisin gud lo olketa, or duim eniting wea mekem load wea olketa karem hem no hevi tumas.

• Bible principle: “Wanfala fren hem lo there for help lo eni situation.”—Proverbs 17:17, Contemporary English Version.

Iu savve kasem moa information lo hao for continue garem gud frenship witim pipol, readim article “Famili and Olketa Fren.”