World Peace—Why Nao Hem Hard for Kasem?
Ansa lo Bible
Olketa man fail for mekem world garem peace, and wanem olketa duim for trae mekem peace kamap bae gohed fail for olketa reason hia:
“No eni man save mekem laef blong hem fo kamap barava olsem hemi laekem. Hemi kanduit kamap bos long laef blong hem..” (Jeremaea 10:23) God no creatim olketa man witim savve or raet for rulim olketa seleva, so hard for olketa man mekem peace kamap lo world.
“Yufala mas no trastem olketa lida blong wol ya. Ya, yufala mas no dipen long eni man, bikos olketa ya i no save sevem yufala. Taem olketa ya i dae, olketa gobaek moa long graon, an evri plan blong olketa hemi nating save kamap nao.” (Sams 146:3, 4) Olketa bigman lo gavman no savve stretem olketa problem wea kosim olketa war, nomata olketa maet barava laek for stretem olketa problem hia.
“Long olketa last day bae hem barava difren and bae evri samting hem hard tumas. Pipol bae . . . raf, and no laekem gud samting. Olketa bae spoelem fren bilong olketa, bighed, and praod tumas. Olketa bae no lovem God, bat bae interest nomoa for enjoyim seleva.” (2 Timothy 3:1–4) Iumi stap lo “olketa last day” blo disfala nogud world, and diswan hem taem wea wei blo pipol mekem hem hard for garem peace.
“Earth and sea bae kasem barava nogud samting bikos Devil hem kam daon long iufala and hem kros fogud from hem savve hem garem lelebet taem nomoa.” (Revelation 12:12) Devil, wea hem enemy blo God, hem stap lo earth and hem mekem pipol for followim olketa nogud wei and tingting blo hem. Lo disfala taem wea Devil gohed for “rulim disfala world,” hem bae hard for iumi garem peace.—John 12:31.
“[Kingdom blo God] bae hemi pisisim finis olketa narafala kingdom [wea againstim God], an rul blong hem bae hemi stap evritaem olowe.” (Daniel 2:44) Hard for eni gavman blo man mekem world for garem peace. Kingdom blo God nomoa bae duim datfala samting wea iumi barava laekem.—Sams 145:16.