Waswe, Iufala Acceptim Medical Treatment?

Yes, Olketa Jehovah’s Witness acceptim medical treatment and mifala savve tekem medicine. Mifala trae for lukaftarem gud body and for healthy, bat samfala taem mifala “need for go lukim doctor.” (Luke 5:31) Bible sei Luke hem wanfala doctor, and samfala Jehovah’s Witness doctor tu.—Colossae 4:14.

Nomata olsem, samfala treatment hem againstim olketa Bible principle, so mifala no acceptim. Olsem example, mifala no acceptim blood transfusion bikos Bible tambuim wei for kaikaim blood or for putim blood insaed body for strongim body. (Acts 15:20) Bible tambuim tu olketa medical treatment wea join witim devildevil.—Galatia 5:19-21.

Staka medical treatment no againstim samting wea Bible talem. So, man wanwan hem free for disaed. Maet wanfala Witness disaed for acceptim wankaen medicine or medical treatment, bat nara Witness maet disaed for no acceptim datwan.—Galatia 6:5.