Hao, Gambling Hem Wanfala Sin?

Ansa from Bible

Nomata Bible no storyim staka detail abaotem gambling, olketa Bible principle helpem iumi for luksavve dat God ting lo gambling olsem wanfala sin.​—Ephesus 5:​17.a

• Motive blo gambling hem wei for greedy, wea God heitim. (1 Corinth 6:​9, 10; Ephesus 5:​3, 5) Man wea gambol hem hope for winim selen blo narawan wea lus, bat Bible stopem wei for kavetem tings blo others.​—Exodus 20:17; Rome 7:7; 13:​9, 10.

• Wei for gambol, nomata for smol selen nomoa, savve mekem man garem feeling for laekem tumas selen, and datwan savve motivatim man for duim enikaen nogud samting.​—1 Timothy 6:​9, 10.

• Staka taem pipol wea gambol biliv lo superstition and gud luck. Bat, God ting lo kaen biliv hia olsem idolatry, wea hem no acceptim lo worship blo hem.​—Isaiah 65:11.

• Instead for promotim desire for tekem samting nating, Bible encouragem wei for waka hard. (Ecclesiastes 2:​24; Ephesus 4:​28) Pipol wea followim advaes lo Bible savve “kaikaim kaikai wea olketa seleva waka hard for hem.”​—2 Thessalonians 3:​10, 12.

• Wei for gambol savve mekem man for garem competitive spirit, wea Bible sei hem no stret.​—Galatia 5:​26.