Chapter 13
Wanfela Great Crowd Front long Throne bilong Jehovah
1. (a) Bifor olketa servant bilong God wea stap firstaem long olketa Kristian or olketa 144,000 kasem reward bilong them, wanem nao mas kasem them? (b) But wanfela great crowd wea stap taem “great tribulation” hem kam they fit for kasem wanem samting?
NOMATA olketa faithful servant bilong God wea start from Abel go kasem John the Baptizer they duim will bilong God olsem first samting long laef bilong them, everywan long them mas dae and waitim wanfela resurrection. Olketa 144,000 wea bae stap withim Kraest long Kingdom bilong hem long heven mas dae tu, bifor they kasem reward bilong them. But, aposol John lukim long vision wanfela great crowd wea bae winim “great tribulation” and, they no need for dae, but they garem hope for laef olawe.—Rev. 7:9-17.
Luksavvy long “Great Crowd”
2. Wanem nao lead go long way for meanim gud hu nao “great crowd” bilong Revelation 7:9?
2 For planti hundred year, no anywan luksavvy hu nao disfela “great crowd.” But savvy wea they go ahed for kasem abaotem olketa otherfela profesi hem readyim way for diswan. Long year 1923 they luksavvy hao “sheepsheep” long tok piksa bilong Jesus long Matthew 25:31-46 and “other sheep” wea hem tok abaot long John 10:16, they nao pipol wea stap distaem wea bae garem chance for stap olawe long earth. Long year 1931, they luksavvy hao pipol wea Ezekiel 9:1-11 say they garem mark from pen bilong secretary long forhed bilong them, they nao “sheepsheep” wea Matthew chapter 25 hem tok abaot. Then, long year 1935, they meanim way wea “great multitude,” or “great crowd,” bilong Revelation 7:9-17 they nao “sheepsheep” insaed tok piksa bilong Jesus abaot olketa sheepsheep and goat. Nomata long year 1923 they start for luksavvy long samfela wea olsem sheepsheep, but long year 1935 nao namba bilong them start for kamap moa big. Distaem planti million nao want for kamap part bilong datfela “great crowd” bilong “other sheep” wea Jehovah hapi long them.
3. Taem they “stand ap front long throne,” why nao hem no meanim they wanfela sekson for go long heven?
3 Olketa bilong “great crowd” they different from olketa 144,000 member bilong spiritual Israel, wea datfela sem chapter bilong Revelation hem story abaot firstaem. Insaed long vision bilong hem John no lukim disfela “great crowd” long heven. Way wea they “stand ap front long throne” (Greek: e·noʹpi·on tou throʹnou, “man long throne savvy lukim them”) bilong God no meanim they stap long heven. They stap long position wea God “savvy lukim,” from hem talem yumi hao hem lukim olketa son bilong man from heven. (Rev. 7:9; Ps. 11:4; lukim Psalm 100:1, 2, and tu Luke 1:74, 75 and Acts 10:33, Kingdom Interlinear.) Long sem way, “every nation” no need for stap long heven mekem they savvy stap front long throne bilong Kraest (long really way, “long front long hem”), olsem Matthew 25:31, 32 hem talem. Disfela “great crowd, wea no any man savvy kaontem namba bilong olketa,” hem no wanfela sekson for go long heven, bikos taem yumi markem diswan withim Revelation 7:4-8 and Re 14:1-4, hem showim aot barava namba bilong olketa wea they tekem from earth for stap long heven.
4. (a) Wanem nao “great tribulation” wea they winim? (b) Olsem Revelation 7:11, 12 talem, hu nao lukluk long “great crowd” and share withim them long worship?
4 Taem hem showim aot klia disfela “great crowd,” John raet olsem: “Olketa hia nao kam aot from great tribulation.” Samting wea they bae winim hem bae barava bigfela tribulation long earth wea winim any otherfela taem bifor. (Rev. 7:13, 14; Matt. 24:21) Olketa wea winim datfela day bilong Jehovah wea fit for mekem man fraet bae barava luksavvy hu nao hem sevem them. Taem they say thankyu long God and Lamb for sevem them, then, olsem John lukim long vision, every faithful creature wea stap long heven bae joinim voice bilong them for worshipim only tru God, taem they say: “Amen! Blessing and glory and wisdom and thankyu and honor and power and strong they bilong God bilong mifela for olawe and olawe. Amen.”—Rev. 7:11, 12.
Kasem Test for Prove-im They Fit for Laef
5. (a) Hao nao yumi bae savvy long samting yumi need for duim for kamap part bilong “great crowd” wea bae kasem laef? (b) Taem yu answerim olketa question long end bilong disfela paragraf, meanim samting wea man need for duim for winim “great tribulation.”
5 Way for sevem “great crowd” hem fitim olketa raeteous mark bilong Jehovah. Olketa Bible profesi abaotem them barava showim aot klia olketa mark wea mekem them fit for kasem laef. Dastawe hem fitim pipol wea love-im raeteous fashion for duim samting distaem mekem they savvy kasem laef. Yumi story finis abaot olketa scripture wea stap long daon. But distaem lukluk gud long them, withim help bilong samfela otherfela scripture, and tingting abaot samting wea yu mas duim for fitim olketa profesi hia.
“Other sheep” wea John 10:16 hem tok abaot
Wanem nao hem meanim for man really listen long voice bilong Jesus? (John 10:27; Matt. 9:9; Eph. 4:17-24)
Hao nao yumi savvy show aot yumi luksavvy long Kraest olsem “wan shepherd” bilong yumi? (Matt. 23:10, 11)
“Sheepsheep” long tok piksa bilong Jesus abaot olketa sheepsheep and goat (Matt. 25:31-46)
Hu nao “olketa brata” bilong Kraest wea olketa hia duim gudfela samting long them? (Heb. 2:10, 11; 3:1)
Wanem hardfela samting nao olketa hia mas face-im tugeta withim olketa brata bilong Kraest long earth? And wanem work nao they loyal for helpem them long hem? (Rev. 12:12, 17; Matt. 24:14; 28:19, 20)
Olketa wea garem mark for stap laef from man wea karem pen bilong secretary (Ezek. 9:1-11)
Hao nao they show aot they no agree withim olketa badfela samting wea go ahed insaed Jerusalem bilong distaem, or Kristendom? (Rev. 18:4, 5)
Wanem nao hem insaed long “mark” wea mekem them different from olketa wea say they Kristian, and mekem them fit for kasem laef? (1 Pet. 3:21; Matt. 7:21-27; John 13:35)
6. Hao nao way wea John tok abaot “great crowd” helpem yumi for meanim why nao they kasem laef?
6 Revelation 7:9-15 talem samfela important samting moa abaot “great crowd.” Taem olketa Scripture tok abaot hao olketa bilong datfela “great crowd” stap bihaen long “great tribulation,” they showim aot wanem nao mekem them kasem laef.
7. Wanem nao they duim bifor “great tribulation,” and hao nao yumi savvy long diswan?
7 Nomata they kam from every nation, tribe, pipol and langwis, they “stand ap front long throne” withim wan mind, and they luksavvy long Jehovah, dat Wan wea sidaon long throne, olsem Sovereign bilong Universe. Living bilong them prove-im they supportim rul bilong hem. From they “wasim finis kaleko bilong olketa mekem them kamap white long blood bilong Lamb,” diswan show aot they luksavvy they needim sakrifaes bilong Lamb bilong God for sin bilong them. (John 1:29; 1 John 2:2) Withim faith they dedicate-im themseleva long God long faondeson bilong datfela sakrifaes, and showim aot diswan long wata baptism and distaem they enjoyim way for stap klin front long God, olsem whitefela kaleko bilong them hem piksarem. They no hold back for talemaot long pablik faith bilong them long Son bilong God. (Matt. 10:32, 33) For fitim every samting hia, they stap insaed temple bilong God, or haos bilong hem long universe for worship, olsem olketa worshiper wea givim “holy service day and naet” long God. There nao, they garem report olsem olketa wea loyal for supportim trufela worship and talemaot Kingdom bilong hem.—Isa. 2:2, 3.
8. For kasem gudfela samting from disfela information, wanem nao yumi mas duim?
8 Waswe, olketa profesi hia they fitim yu? Waswe, samfela way stap wea yu need for stretem laef bilong yu for barava fitim olketa samting wea yumi story abaot finis? Sapos olsem, distaem nao hem taem for duim samting!
Stap Insaed Wanfela Spiritual Paradaes
9. Hao nao John story abaot olketa spiritual blessing wea “great crowd” enjoyim distaem?
9 Waswe, yu wanfela wea hope for stap laef, olsem part bilong “great crowd”? Sapos yu followim olketa raeteous way bilong Jehovah, then yu start finis for enjoyim olketa gudfela samting bilong wanfela spiritual paradaes. Angel talem aposol John: “Olketa bae no savvy hangre moa or thirsty moa, and sun bae no savvy hotem them moa, from disfela Lamb, wea stap midlwan long throne, bae luk aftarem them, and bae leadim them go long olketa spring wata bilong laef. And God bae aotem every wata from eye bilong olketa.” (Rev. 7:16, 17) Hao nao diswan hem tru long yu?
10. (a) Long spiritual way, hao nao “great crowd” “no hangre or thirsty moa”? (b) Waswe, sem samting kasem yu tu?
10 Taem yu no stap yet under long loving care bilong Nambawan Shepherd, Jesus Kraest, waswe, yu hangre and thirsty for raeteous fashion? (Lukim Matthew 5:6.) Sapos olsem, yu hangre for samting wea only Jehovah thru long Son bilong hem savvy provide-im. Taem yu learnim olketa raeteous way bilong Jehovah—purpose bilong hem for finisim every bit badfela pipol, and kaenfela fashion bilong hem mekem olketa pikinini bilong Adam fit for kasem laef—then, tru nao, for firstaem long laef bilong yu, yu barava feel satisfy. Spiritual kaikai and drink from Word bilong God, wea kam thru long organization bilong hem, go ahed for mekem yu satisfy. (Isa. 65:13, 14) And sapos yu dedicate-im yuseleva finis long God thru long Kraest, then distaem laef bilong yu garem really meaning. (Lukim John 4:32-34.) Samting wea stap front long yu nao hem hapi hope bilong laef olawe long wanfela Paradaes earth, bikos datfela Lamb “bae leadim [“great crowd”] long olketa spring wata bilong laef.”
11. (a) Long wanem way nao ‘sun bae no savvy hotem them moa’? (b) Hao nao diswan hem important samting long yu?
11 Nambawan Shepherd hem protectim and leadim olketa “sheepsheep” wea trustim hem long safe way, olketa bilong datfela “great crowd.” Dastawe, long tok piksa way, ‘sun bae no savvy hotem them moa.’ Diswan no meanim, from yu wanfela bilong “great crowd,” yu bae no kasem persecution from world. But, hem meanim yu safe from hot bilong kros bilong God. And taem hem finisim every bit badfela pipol, hem bae no finisim yu. Disfela gudfela way for fren savvy go ahed for olawe.—Ezek. 38:22, 23; lukim Psalms 11:6; 85:3, 4.
12. Hao nao God aotem wata from eye bilong yu distaem tu?
12 Yu garem planti gudfela reason for hapi sapos yu wanfela bilong “great crowd”! Yu garem nambawan hope for lukim hao badfela pipol bae finis every bit and then for lukim mind and body bilong yuseleva kamap free from every samting bilong sin. But distaem tu, bigfela sorry wea pipol kasem from they no want for luksavvy long God hem no kasem yu. Yu start for savvy long hapi wea pipol wea God bilong them Jehovah nomoa they kasem. (Ps. 144:15b) Long disfela way, yu start finis for lukim disfela promis hem fulfill: “God bae aotem every wata from eye bilong olketa.”
13. Wanem nao bae join withim olketa gudfela samting bilong spiritual paradaes taem wan thousand year rul bilong Kraest hem go ahed?
13 Long sem way wea “great crowd” bae winim end bilong disfela system, spiritual paradaes bae win tu. Sapos yu wanfela long olketa, then yu bae go ahed for enjoyim wanfela spiritual feast bilong olketa nambawan samting, taem wan thousand year rul bilong Kraest hem go ahed. Savvy bilong yu abaot God bae kamap moa deep taem yu lukim purpose bilong hem fulfill every bit. Hapi bilong yu bae kamap moa big, taem yu share for welkamim planti wea dae finis for join withim yu long trufela worship. And then olketa loyal servant bilong God bae ting hae tumas long olketa blessing long saed bilong body from every samting hia showim aot love bilong Jehovah seleva.—Isa. 25:6-9; Jas. 1:17.
Samting for Review
● Bible hem story abaot wanem bigfela samting wea affectim “great crowd,” and hao nao olsem?
● Sapos yumi barava want for insaed long datfela “great crowd” wea God hapi long hem, wanem nao yumi mas duim distaem?
● Hao nao olketa blessing bilong spiritual paradaes they important samting long yu?