Kristian Kongregeson Long First Century
Long Pentecost 33 C.E., 120 disaepol bilong Jesus kasem holy spirit, and olketa start for toktok long planti langwis abaotem olketa barava nambawan samting bilong God. Diswan nao start bilong Kristian kongregeson. Samting olsem 3,000 niufala disaepol baptaes long datfala day.—Acts, chapter 2.
Olketa kongregeson wea stap long olketa different ples kamap moa big taem olketa aposol and samfala moa go ahed strong for tok abaotem Word bilong God. Olsem buk bilong Acts talem, kwiktaem nomoa preaching work hem kasem evri ples long Mediterranean, from Babylon and North Africa go kasem Rome and maet Spain.—Romans 15:18-29; Colossians 1:23; 1 Peter 5:13.
Long eni ples wea pipol kamap disaepol, olketa startim kongregeson. Olketa mature man wea kasem mark, kasem appointment olsem olketa elder, or ovaseer, for mek sure olketa kongregeson followim semkaen stretfala teaching and fasin. But olketa no kamap wanfala sekson bilong bigman long religion; they olketa minister and work tugeta for Kingdom bilong God.—Acts 14:23; 20:28; 1 Corinthians 3:5; 5:13; Colossians 4:11; 1 Timothy 3:1-15; Hebrews 13:17; 1 Peter 5:1-4.
Olketa aposol and samfala moa wea olketa work withim serve olsem wanfala governing body. Olketa nao lead long preaching work. Olketa stretem olketa problem long kongregeson long Jerusalem. Olketa sendem samfala brata wea fit long Samaria and Antioch for strongim olketa niu wan long there wea believe. Olketa deal withim wanfala raoa abaotem way for circumcise, sendem aot decision bilong olketa for evri kongregeson followim. Nomata olsem, olketa man hia no masta ovarem otherfala pipol but they olketa servant and pipol wea work tugeta for full kongregeson.—Acts 4:33; 6:1-7; 8:14-25; 11:22-24; 15:1-32; 16:4, 5; 1 Corinthians 3:5-9; 4:1, 2; 2 Corinthians 1:24.
Nem bilong olketa firstfala disaepol hem olketa Kristian, bikos God givim disfala nem long olketa. Olketa garem teaching wea mekem olketa different tu; hem nao teaching bilong olketa aposol, or plan bilong olketa healthy toktok. Olketa kolem teaching wea kam from Bible olsem truth.—John 17:17; Acts 2:42; 11:26; Romans 6:17; 1 Timothy 4:6; 6:1, 3; 2 Timothy 1:13; 2 Peter 2:2; 2 John 1, 4, 9.
Olketa hia wanfala sekson bilong olketa brata evriwea long world wea join tugeta long love. Olketa showim aot interest long Kristian brata bilong olketa long narafala kantri. Taem olketa go long narafala kantri, olketa Kristian brata welkamim olketa long haos bilong olketa. Olketa keepim haefala mark long saed bilong fasin, bikos olketa nao sekson bilong holy pipol wea stap separate from world. Olketa tingting evritaem long taem wea day bilong Jehovah bae stap and strong for talemaot faith bilong olketa long pablik.—John 13:34, 35; 15:17-19; Acts 5:42; 11:28, 29; Romans 10:9, 10, 13-15; Titus 2:11-14; Hebrews 10:23; 13:15; 1 Peter 1:14-16; 2:9-12; 5:9; 2 Peter 3:11-14; 3 John 5-8.
But, olsem profesi talem finis, bigfala way for apostate start for kamap, long mek-tu and mek-three century. Diswan mekem olketa bigfala church organization kamap wea nating followim klinfala way bilong firstfala Kristian kongregeson long saed bilong teaching, fasin, way for organize, and way wea olketa ting long world.—Matthew 13:24-30, 37-43; 2 Thessalonians, chapter 2.
But, Jesus talem finis tru worship bae kamap moa long taem bilong end bilong disfala system. Olketa Witness Bilong Jehovah believe iu savvy lukim diswan long work wea olketa duim evriwea long world distaem, samting olsem 1,900 year bihaen Jesus talem profesi hia. Olketa nextfala page bae meanim why nao olsem.
• Hao nao Kristian kongregeson hem start, and hao nao hem kamap moa big?
• Hao nao olketa luk aftarem datfala kongregeson?
• Wanem nao showim aot klia olketa Kristian long first century different from otherfala pipol?
[Map long page 7]
(For full formatted text, lukim pablikeson)
Black Sea
Caspian Sea
Great Sea
Red Sea
Persian Gulf
Olketa ples wea gud nius kasem long first century
ITALY
Rome
GREECE
MALTA
CRETE
CYPRUS
BITHYNIA
GALATIA
ASIA
CAPPADOCIA
CILICIA
SYRIA
ISRAEL
Jerusalem
MESOPOTAMIA
Babylon
Samfala from hia kamap pipol wea believe
ILLYRICUM
MEDIA
PARTHIA
ELAM
ARABIA
LIBYA
EGYPT
ETHIOPIA
[Piksa long page 7]
Olketa firstfala Kristian strong for preachim Word bilong God
Olketa Kristian welkamim otherfala Kristian for stap long haos bilong olketa long eni ples wea olketa go