Way for No Obey inside long Place belong All’gether Spirit

All’gether spirit where Jehovah create-im they good. Then one-fella angel come up no good. Him now Satan the Devil. Satan wantim people long earth for worshipim him and no worshipim Jehovah. Him now something where happen:

Inside garden long Eden, staka tree where gettim good-fella fruit for kaikai they stop. Jehovah tellim Adam and wife belong him, Eve, all’gether free for kaikai long them. But one-fella tree no more God him say all’gether no fit for kaikai long him. Him say suppose all’gether kaikai long him, all’gether must die now.—Genesis 2:9, 16, 17.

Long one-fella day Eve him stop self time one-fella snake him talk long him. True now, him no really snake where him talk; but him Satan the Devil where make-im him look all-same snake now him talk. Satan him tellim Eve suppose him kaikai from this-fella tambu fruit, him by-by come up wise all-same God. Him tellim too him by-by nothing die. Two-fella talktalk here they liar talktalk. No matter all-same, Eve him believe-im Satan and no obeyim command belong God. Him kaikai-im this-fella fruit. Behind more, him give-im some-fella long Adam, and him kaikai-im too.—Genesis 3:1-6.

From this-fella true-fella story, you-me savvy Satan him one-fella man where no obey and one-fella liar. Him tellim Eve suppose him no obeyim God, him by-by nothing die. That one him one-fella liar talktalk. Him barava die and Adam too. Satan him no die long that-fella time, but him by-by die from him sin. But, come catchim that-fella time, him stop life yet and him go ahead for giamanim all’gether man. Him nothing change; him still one-fella liar, and him try for make-im people for breakim every law belong God.—John 8:44.

Some-fella Other-fella Angel They No Obey

Behind more, some-fella other-fella angel they come up no good. All’gether angel here lookim all’gether woman where look good too much long earth and they want for have-im sex withim all’gether. There now all’gether come down long earth and take-im body belong all’gether man. Then all’gether take-im all’gether woman for all’gether self. This one him againstim plan belong God.—Genesis 6:1, 2; Jude 6.

This one bringim come staka trouble long all’gether man too. All’gether wife belong all’gether angel here they bornim all’gether pikinini, but they no all-same every other-fella pikinini. All’gether grow big and come up all’gether big-fella man where gettim rough fashion and like for spoilim people. Go-go this-fella earth him full up withim rough fashion and this one make-im Jehovah decide for finishim every bad-fella man withim one-fella big-fella flood. Middle one long all’gether man, righteous Noah and family belong him no more they winnim Flood.—Genesis 6:4, 11; 7:23.

But, all’gether bad-fella angel they go back long place belong all’gether spirit; all’gether no die finish. But all’gether catchim punish. All’gether no fit for come back more inside long family belong God belong all’gether righteous angel. And too, Jehovah no lettim all’gether for take-im more body belong all’gether man. And behind more by-by all’gether die long big-fella judgment.—2 Peter 2:4.

All’gether Throwim Satan Go Down From Heaven

Long first-fella part belong this-fella century, one-fella war him come up long heaven. Bible book belong Revelation him tellim something where happen long there: “And war him start long heaven: Michael [Jesus Christ where resurrect finish] and all’gether [good-fella] angel belong him they fight withim dragon [Satan], and dragon and all’gether [bad-fella] angel belong him they fight but all’gether no win, and no more any place stop for all’gether long heaven. There now all’gether throwim down big-fella dragon, that-fella snake belong first time, this one where all’gether callim Devil and Satan, where him giamanim everyone long earth; all’gether throwim him come down long earth, and all’gether [bad-fella] angel belong him they throwim come down withim him.”

Wanem now come out from this one? This-fella story him go ahead for say: “That’s-the-way you-fella happy, you-fella heaven and you-fella where stop long there!” All’gether good-fella angel they fit for happy from Satan and all’gether bad-fella angel, or all’gether spirit, they no stop more long heaven. But which way long all’gether people long earth? Bible him say: “Sorry too much long earth and long sea, from Devil him come down finish long you-fella, him cross too much, from him savvy him gettim short-fella time no more.”—Revelation 12:7-9, 12.

True now, Satan and all’gether bad-fella friend belong him they giamanim people long earth and make-im them catchim big-fella sorry too much. They callim all’gether bad-fella angel here all’gether demon. All’gether here they enemy belong God. Everyone long all’gether they bad too much. No more anyone him good. All’gether trickim people for think say Bible him no tellim truth. All’gether they liar and savvy killim man die.

[Piksa long page 8]

Time Satan him use-im one-fella snake for talk long Eve, Eve him joinim way where Satan him no obey and go againstim God

[Piksa long page 9]

All’gether bad-fella angel they come down long earth for doim dirty fashion withim all’gether woman

[Piksa long page 10]

All’gether Throwim Satan Go Down From Heaven