Leson 15

Helpem Pipol for Duim Will Bilong God

Why nao iu mas talem pipol abaot samting wea iu learnim? (1)

Hu nao iu savvy share-im gud nius withim? (2)

Hao nao fasin bilong iu savvy affectim pipol? (2)

Wanem taem nao iu savvy preach withim kongregeson? (3)

1. Kasem distaem, iu learnim finis planti gudfala samting from Bible. Disfala savvy mas leadim iu for mekem grow Kristian fasin. (Ephesians 4:​22-24) Iu barava needim disfala savvy for kasem laef olowe. (John 17:⁠3) But, narafala pipol tu need for herem gud nius mekem olketa tu savvy kasem laef. Evri trufala Kristian mas witness long pipol. Hem komand bilong God.​—​Romans 10:10; 1 Corinthians 9:16; 1 Timothy 4:⁠16.

2. Iu savvy start taem iu share-im olketa gudfala samting wea iu learnim withim neibor bilong iu. Talem long famili, fren, skulfren, and workfren bilong iu. Talem them long kaenfala and patient way. (2 Timothy 2:​24, 25) Remember, planti taem pipol lukluk long fasin bilong samwan winim way for listen long wanem hem talem. So gudfala fasin bilong iu savvy pullim kam pipol for listen long message wea iu talem long olketa.​—⁠Matthew 5:16; 1 Peter 3:​1, 2, 16.

3. Go-go, maet iu kamap fit for start for preach withim kongregeson bilong Olketa Witness Bilong Jehovah long ples bilong iu. Diswan hem wanfala important samting long way wea iu muv ahed. (Matthew 24:14) Iu bae hapi tumas sapos iu helpem narafala man for kamap servant bilong Jehovah and kasem laef olowe!⁠—1 Thessalonians 2:​19, 20.