Olketa Niu Member for Governing Body
LONG Saturday, October 2, 1999, Annual Meeting bilong Watch Tower Bible and Tract Society bilong Pennsylvania hem end witim wanfala announcement wea mekem planti sapraes. Olketa 10,594 wea attend or lisin thru long telephone barava hapi for herem hao Governing Body bilong Olketa Witness Bilong Jehovah garem fofala niu member. Olketa niu member, wea evriwan anointed Christian, nao Samuel F. Herd; M. Stephen Lett; Guy H. Pierce; and David H. Splane.
• Samuel Herd start pioneer long 1958, and from 1965 go kasem 1997, hem duim circuit and distrik waka. Then, hem and waef bilong hem, Gloria kamap part bilong Bethel famili long United States, wea Brata Herd hem waka long Service Department. Hem serve tu olsem man for help long Service Komiti.
• Stephen Lett start pioneer long December 1966, and from 1967 go kasem 1971, hem serve long Bethel long United States. Long October 1971, hem maritim waef bilong hem, Susan, and joinim spesol pioneer service. From 1979 go kasem 1998, hem serve olsem circuit overseer. Start long April 1998, hem and Susan kamap part bilong Bethel famili long United States. Long there hem waka long Service Department and help long Teaching Komiti.
• Guy Pierce garem famili and then hem and waef bilong hem start for pioneer long April 1982. Hem serve olsem circuit overseer from 1986 go kasem 1997, taem hem and waef bilong hem, Penny, kamap part bilong Bethel famili long Brooklyn. Brata Pierce hem serve olsem man for help long Personnel Komiti.
• David Splane start pioneer long September 1963. Hem graduate long mek-42 class bilong Gilead and serve olsem missionary long Senegal, Africa, then for 19 year long circuit waka long Canada. Hem and waef bilong hem, Linda, stap long Bethel long United States start kam from 1990, wea Brata Splane hem waka long Service and Writing department. Start long 1998, hem man for help long Writing Komiti.
Witim fofala niu member hia, distaem olketa member bilong Governing Body nao C. W. Barber, J. E. Barr, M. G. Henschel, G. Lösch, T. Jaracz, K. F. Klein, A. D. Schroeder, L. A. Swingle, and D. Sydlik. Iumi evriwan prea for Jehovah bae go ahed for blessim and strongim Governing Body, wea kamap big distaem, taem hem go ahed for lukaftarem olketa waka bilong pipol bilong God evriwea long world and helpem olketa long spiritual saed.