Annual Meeting October 7, 2000

ANNUAL MEETING bilong olketa member bilong Watch Tower Bible and Tract Society of Pennsylvania bae kamap long October 7, 2000, long Assembly Hall bilong Olketa Jehovah’s Witness, 2932 Kennedy Boulevard, Jersey City, New Jersey. Wanfala meeting bae kamap firstaem long 9:15 a.m. for olketa member nomoa, and bihaen datwan general annual meeting bae kamap long 10:00 a.m.

Olketa member bilong corporation mas talem Office Bilong Secretary distaem sapos address bilong olketa hem change insaed long year wea go finis mekem olketa leta bilong notice and proxy pepa savve kasem olketa long July.

Olketa member wea kasem olketa pepa witim notice bilong annual meeting mas sendem kam bak long Office Bilong Secretary bilong Society bifor August 1. Evri member mas raetem and sendem bak pepa bilong hem stretawe, and talem sapos hem bae attendim datfala meeting or nomoa. Information wea olketa raetem long each proxy pepa mas barava klia bikos datwan bae showimaot hu nao bae attend.

Datfala full meeting, insaed diswan hem bisnis meeting and olketa report, bae finis long 1:00 p.m. or no longtaem bihaen datwan. Bae no eni meeting long aftanun. From no planti spes stap, olketa wea garem ticket nomoa savve attendim. Bae olketa no arrange for joinim olketa narafala hall for herem annual meeting thru long telephone laen.