Wastaoa ONLINE LIBRARY
Wastaoa
ONLINE LIBRARY
Solomon Islands Pidgin
  • BIBLE
  • OLKETA PABLIKESON
  • OLKETA MEETING
  • w00 9/1 p. 25
  • Watarem Olketa Seed Bilong Truth Long Chile

Disfala sekson no garem eni video.

Sorre, disfala video no savve plei distaem.

  • Watarem Olketa Seed Bilong Truth Long Chile
  • Wastaoa wea Talemaot Kingdom Bilong Jehovah—2000
  • Olketa Nara Article
  • Taem Mi Mistek, Wanem Nao Bae Mi Duim?
    Olketa Kwestin wea Young Pipol Garem
  • Hao Sapos Mi Duim Eni Mistek?
    10-Fala Kwestin Wea Young Pipol Savve Garem
  • Hao Olketa Telephone Join Tugeta
    Wekap!—2001
  • Kamap Gud lo Ministry—Iusim Phone for Preach
    Christian Laef and Ministry blo Iumi—Meeting Buk—2020
Wastaoa wea Talemaot Kingdom Bilong Jehovah—2000
w00 9/1 p. 25

Report Bilong Olketa wea Talemaot Kingdom

Watarem Olketa Seed Bilong Truth Long Chile

LONG drae ples bilong north Chile, planti year savve go pas bifor rain kam. Bat taem hem kam, drae graon kamap olsem carpet wea garem difren kaen color flaoa. Disfala spesol samting pullim kam olketa tourist from evriwea long datfala kantri.

Bat, wanfala moa interesting samting hem go ahed for happen midolwan pipol bilong Chile. Wata bilong Bible truth hem go ahed for ran go evriwea long datfala ples, and planti honest pipol kamap olketa disaepol bilong Jesus Christ. Wanfala wei wea olketa iusim for spreadim disfala wata bilong truth hem telephone. Experience long daon showimaot gudfala samting wea kamaot from disfala wei for duim witnessing.

• Long wanfala circuit assembly program olketa askem Karina wea full-taem for talemaot gud nius, for duim demonstration long hao for witness long telephone. Bat, Karina nating share yet long datfala wei for duim witnessing waka. For encouragem hem for share long datfala assembly program, wanfala elder and waef bilong hem reviewim samfala point witim Karina long hao for duim telephone witnessing. Olketa encouragem hem tu for prea long Jehovah for leadim hem long disfala samting. Hem duim olsem and bihaen hem disaed for trae mekem wanfala kol.

Karina chusim wanfala telephone namba from wanfala vilij wea stap klosap. Wanfala telephone operator hem ansa, and Karina explainim why nao hem ring. Ansa bilong datfala operator hem gud tumas, and olketa arrange for story moa thrifala day bihaen. Datfala return visit thru long telephone kamap wanfala Bible study, insaed Wanem Nao God Mas Kasem From Iumi? brochure. Start long datfala taem, tufala enjoyim olketa interesting study, and Karina hem sendem buk for ansarem olketa kwestin bilong datfala woman.

• Bernarda hem go ahed for witness long wanfala man wea mistek for ringim telephone namba bilong hem. Winim wei for feel nogud, Bernarda talemaot hao hem wanfala long Olketa Jehovah’s Witness and offerim help. Gudfala story hem start, and datfala man lisin gud taem hem explainim hao Kingdom bilong God bae klosap finisim evribit fasin wea no followim justice. Datfala man givim telephone namba bilong hem long Bernarda, and hem duim return visit thru long telephone. Insaed wanfala story bilong tufala, hem readim long hem wanfala part from datfala buk Savve Wea Lead Go long Laef Olawe. Hem askem hao nao hem savve kasem wanfala copy, and Bernarda sendem wanfala long hem witim wanfala Bible. Olketa arrange for wanfala brata visitim hem, and distaem disfala brata hem go hed for “watarem” disfala “plant” wea grow kamap.

Tru nao, insaed long spiritual graon bilong disfala world wea drae tumas, olketa seed wea stap haed go ahed for weit for grow taem wata bilong truth wea givim laef kasem olketa. Planti thousand long olketa wea thirsty go ahed for “grow” and “kamap flaoa” olsem olketa faithful servant bilong Jehovah God.—Isaiah 44:3, 4.

    Solomon Islands Pidgin Pablikeson (1988-2024)
    Log Aot
    Log In
    • Solomon Islands Pidgin
    • Sharem
    • Settings
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Setting
    • JW.ORG
    • Log In
    Sharem